SAAM LABU 62
Pathian Muannak
1 Pathian amah bek muang ing.
Keimah a patnak cu
a nel pen hung hi.
2 Amah bek hi ka belhnak
suangpi le pantu hi.
Kei pantu a hih hangin,
kuamah in neh haw tukma hi.
3 Noh ten i can tian kaw,
a cimmi kulhtian bang le
a caksukmi seen bangin
mi pa khat cu na do hih tuk uh?
4 Upat a ngahnak mun pen
a caak tuk bek khi!
Noh tei deih mi hi.
Zolthu son hi nopsazet uh ci.
Thupha awnkam mang nave uhcin,
lungmu sung tatakin tamsia uh ci.
5 Pathian amah bek muang ing;
Muansannak cu a lak bekah nei ing.
6 Amah bek keimah ka belhnak
suangpi le pantu hi.
Keimah pantu amah bek a hih hangin,
kuamah in neh tukma hi.
7 Ka patnak le ka sunloihnak cu
Pathian nelah um hi.
Amah cu a ngilzet mi keimah huptu hi.
Ka belhnak a kho mi suangpi hei hi.
8 Mipite, i hun bang hun hei in,
Pathian muang leleng un.
Amah cu buknak suangpi
a hih hangin
na haksatnak hempoh uh
a lakah hilh un.
9 Mihing cu haihawh hawl khat
bangthong haw poh hi.
Mi ngeng, mi neu,
imah haw ma poh hi.
Cuai khai teh inna,
imah hi haw tukma.
Haihawh sangin
zang saw haw hi.
10 Tha ngilnak tuah
mi nehnak muang pahsun,
Nguca in, imah ngah tuk tuptah pahsun;
Mahtibang na hau dedeuh vangin
mah mite cu muang pahsun.
11 Pathian awnkam zali zo ing,
Huham hempoh cu amata hi;
12 A mi ihnak cu kheel awng ma hi.
Topa aw, mi hempoh cu
a dehnak haw bangin
a dehman haw pia ci.Ref 62:12 Job 34:11; Jer 17:10; Mt 16:27; Rom 2:6; Mang 2:23;