SAAM LABU 61
Himnak Tukin Thungetnak
1 Maw Pathian aw,
ka aunak ngai zal inna,
ka thungetnak hu theihsak zalin hi.
2 Ka lungbingin vanmawk deng pen
nangmah sam ing.
Himnak munah khol zalin hi.
3 Ka ngal tei mai pen a pantu cu
nangmah hi ci.
A khomi Suangpi ah
pui zalin hi.
4 Ka dam sung hempoh,
na puanbuk sungah umtikin hi.
Na ha nuai ah himnak
cotik zalin hi.
5 Maw Pathian aw,
ka thutepte thei zo ci.
Na ngamah a kihcatu tei
covo cotik bok ci.
6 Kumpi cu nunkhua sautik zalin,
kum tampi nung pepel zal hen.
7 Maw Pathian aw, na mai ah
kum ngeipi uktu hi zal hen.
Na itnak le muantak na hihnak
tuah hup zalin hi.
8 Ka thutepmite nisial kimtik thahin hi.
Na ngamah thangphatnak
catngawlin la tuah
thangphat tung hi.