SAAM LABU 60
Luatnak Tuk Thungetnaknote 60 Thulu 2Sam 8:13; 1Khang 18:12;
1 Pathian aw, kohte cu
lawlin siatik zo ci.
Ka hum uhah na thinuk zo;
Mahnaven keimu lam
hek kikleh zalin hi.
2 Ka ngam hempoh uh hingin
satkeh khawng zo ci,
A meima cu damtik lehin,
itahim titale balkeh khawng tuk hi.
3 Na mihingte haksatnak
tampi thuak zo hi.
Zukham misilte bangin
hoi kawkawitik zo ci.
4 Nangmah a kihcatute
dantatnak pen a suahcak
theihnak haw tukin,
a muhte ngallinnak pia zo ci.
5 Na ngilnak tuah hu panin,
na ihmi na mihingte
a luatnak haw tukin ka thungetnak uh
6 A munthiang sung pen
Pathian in, “Lungdam zetin
Shekhem cu khen tung.
Sukkoth munlawn cu
ka miphunte sem tung.
7 Gilead ngam cu kata hi in,
Manasseh vang kata hi.
Efraim cu ka lukhu hi;
Judah cu ka bawi thiangkhut hi.
8 Mahnaven Moab ngam cu
kata tih theihnak tukin
ka khut somnak kuangin
mang tung.
Edom ngamah ka kedam vawk tung,
Filistin ngamin, “Neh ing ngei” tin,
ka humah, au ngam tukin
ngaisung haw ni maw,” ti hi.
9 Maw Pathian aw, kulhtian khuapi ah
Kua kaw kei a hawhpih tuk?
Edom ah akua in pui tuk kaw?
10 Kohte vawk ngangai zo cim?
Ka ngalkapte uh tuah
hawh bok tukma cim?
11 Kohte hehpih inna, ka ngal uh
do bawm bokin,
Itahim titale mihing tei bopnak cu
a phukthong hi.
12 A lam uhah Pathian in,
a panpih tale; neh tuk hung hi;
A ngalte uh neh tuk hi.