SAAM LABU 57
Bopnak Tuk Thungetnaknote 57 Thulu 1Sam 22:1; 24:3;
1 Kei hu hehpih zalin,
Pathian aw, hehpih zalin,
na lakah himnak deihin hung ing
A lauhuai huihsiapi
a bo khawng laklawh,
na ha nuai ah himnak ngah ing.
2 Pathian cu sam ing,
Cungnungbel cu!
Ka kulmi hempoh a piatu
Pathian cu sam ing.
3 Van pen don tuk a,
kei pan tuk hi.
Kei a dotute cu neh tuk hi.
Pathian in, a ihnak le muantak
a hihnak cu ka nelah langtik tuk hi.
4 Ngal ten keimah kil haw
amuhte cu mi eitu
kiosa bang haw hi.
A ha haw cu ceipi le
thalcang bangin hiamin, a lei haw cu
5 Pathian aw, na thawm ngengnak cu
vanah khin langtik inna,
na thawm ngengnak vang
leihum buppi ah langtikin hi.
6 Keimah man nuamin,
ka ngal ten suukthang siah haw.
Thinkham zetin um ing.
Ka hawhnak lampi ah khuk co haw,
mahnaven amuhleh lam caak haw hi.
7 Pathian aw, ka lungmu cu
khozet hi.
Lasa tung a, nangmah thangphat tung.
8 Maw ka hawvang, khanglo in,
ka phaidaak le ka pheveu tho toh un.
Ni vang phong tung.
9 Topa aw, miphun tampi lak pen
nang pahcawi tung!
Mihing tampi lak pen vang
pahcawi tung.
10 A kho mi na ihnak cu
vancungah heng hi;
Muantak na hihnakin
van khong hi.
11 Maw Pathian aw,
na thawm ngengnak cu
vanah langtik inna,
na sunloihnak cu leihum buppi ah
langtikin hi.