SAAM LABU 56
Pathian Muannak Tuah Thungetnote 56 Thulu 1Sam 21:13-15;
1 Maw Pathian aw,
ka humah hehpihnak nei zalin,
ka ngal ten do in catngawlin
kei bawlsia haw hi.
2 Sun nilui in ka ngal ten do haw,
keimah dotu tam ngangai haw hi.
3 Lauthawngnak ka neih ten,
maw Cungnungbel Topa,
nangmah muang ing.
4 Pathian muangin, a thutepnak
thangphat ing.
Amah ka muan hangin
imah lau tuk mang.
Mihingin ka humah ikaw
a bawl theih tuk?
5 Ka ngal ten thalengin
haksatnak pia haw in,
Keimah liamsuah tuk bek
a phunkimin ngaisung haw hi.
6 Keimah that nuamin,
a ngelhnak mun
hawah tawkdun khawm haw in,
ka bawlmi hempoh
zo kuh leleng haw hi.
7 Maw Pathian aw,
a phat ngawlnak hangin
bawlsia in,
na thinukin vawk khawngin hi.
8 Izah takin ka lungkham him tih cu
nangmah in thei ci.
Ka hitui tulnak cu cazin sungah
ngan zo hi ma cim maw?
Na laibu sungah ngan toh cim?
9 Nangmah ka sam ni pen,
ka ngalte cu nungkik haw tuk hi.
Hi thil pa khat thei ing;
Pathian cu keima lamah
ding hi tih thei ing.
10 Pathian muangin, a thutepnak
thangphat ing,
Topa i thutepnak cu
thangphat ing.
11 Amah ka muan hangin
imah lau tuk mang.
Mihingin ka humah
12 Maw Pathian aw,
ka tepsa mi cu pia tung.
Nangmah pahcoihnak cu
ka biakpiaknak ai-in
pia tung hi.
13 Itahim titale thihnak pen
kei luattikin,
lupbahnak pen kei hup zo ci.
Mah hangin Pathian na mitmuhin,
a vakmi nunnak lampi ah
hawh ing.