SAAM LABU 58
Mipha Ngawlte Thuk Tuk Thunget
1 Maw uktute, dik le camin
thukhen ngangai uh cim?
Mi hempoh manno in, a thu haw
khensak ngangai uh cim?
2 Hi ma hi!
Thilpha ngawl bawl
na tum uhmi bek ngaisungin,
Hi ngam sungah thisan
a luangtiktu cu nangmuh uh ci.
3 Mipha ngawlte cu a nunsung haw hempoh
pha ngawl lelengin um haw in hi.
A hintul haw pepan
zolthu son haw hi.
4 Ngul bangin ngu nei haw in,
a ngu haw cu thihsi hi.
Thu thei nuam ngawlin
benghup haw hi.
5 Ngul i nei aw hihen,
mitzial thiam i aw hihen,
A theithei ngawl toh ngulngan
bengbul bangin hi.
6 Maw Pathian aw, a ha haw
su-ek khawngin,
Topa aw, hi a,
lauhuai kiosa tei,
ho cu hong khawngin hi.
7 A kangmi tui bangin
pai khawng hawta henna,
lampi a sihpekmi hampa bangin
thim khawng tahen.
8 Dalkawng a vah lih laih takin
taklei a suah bangin hi tahen
A thisa in hinmi nauno, khuavak
amu awng ngawl bangin hi tahen.
9 Mah thu a theih haw laih ngawlin
hampa bangin
tan khawng hi haw hi.
Pathian thinuknakin,
a nunlaih loli hawah
Huihsia bangin mutvawk tuk hi.
10 Midik ten misualte
bawlsiatnak a thuak haw khi,
Amuh haw ten a lungdam haw tuk hi.
Mipha ngawl tei thisan lakah
a ke haw som haw tuk hi.
11 Miten, “Midik ten laksawng
ngah tatak haw.
Leihum buppi thukhentu
Pathian um ngangai na hi,”
tin ti haw tuk hi.