SAAM LABU 49
Leihum Neihnak Muan Cu Silnak
1 Mi hempoh ten thei un!
Khua hempoh a um mihingte
2 Upa nau tale mihau ca-ngah ten
ngai hem un.
3 Ka awnkam cu cihnak
awnkam hi;
Ka ngaihsutnak cu
sullam neimi hi.
4 Thupaucapnak lamah
ka beng hek tung,
Phaidaak tumthahin,
thu polh mite theiciangtik tung.
5 Ka ngal ten kimin, thinsu linglawng
hun hei ten lau mang hi.
6 A na haw a muangtute le
a hauhsaknak haw
a tuangkhawngtu ten
kei a kim haw hei in
imah lau mang.
7 Kuamah in mah i nunnak cu
pan thei ma hi.
Mai nunnak i man cu
Pathian lak lul zo tukma hi.
8 Itahim titale a nunnak i man cu
hak zetin,
Thihnak pen patnak ngah tukin le
9 Kumkhua nunnak ngah tukin
a piak theihmi man hei in
10 Kua hei in micipte cu thi in,
misilte vang thi leleng haw
tih cu mu haw hi.
A venghawng haw in, a hauhnak haw cu
a casuante zam haw hi.
11 A khan haw cu kumkhua in,
a inn haw hi.
Mahlai ah kumkhua in
um haw hi.
Tanglaihin kata uh hi tihmi
lei ngam nei haw naven!
12 Mihing cu a letnakin
thihnak pen hup thei tukma hi.
Ngamsa bangin paithong
13 Mah le mah a muangdun copte cu
icang haw him tih zo hem un!
A hauhsaknak haw tuah
lungkim pih zetin,
a umtu tei a daldakdan haw khi!
14 Tuu bangin a thi tuk bekte haw hi.
Thihnak cu a muhte cingtu hi tuk hi.
Midikte cu amuh nehtu hi haw tuk hi.
Thihnak ngamah a luang
pumpi haw muat tuk hi.
15 Pathian in kei cu hup tuk hi;
Thihnak huham sung pen
16 Mi pa kha khat cu
hau dedeuhin, a hauhnak cu
a pung dedeuh ten
na thasia pahsun.
17 A thih ten imah keng thei
tukma hi;
A hauhsaknakin khanah
zui thei tukma hi.
18 Mi pa kha khat leihumah
a lawhting hangin,
Ultung tuangkhawng pihzet haw in,
leihum nunnakah
lungmuannak a ngah vangin,
19 thihnak a tawh ten kumkhua
thimnak munah a pu le a pate
zui leng haw tuk hi.
20 Mihing cu a hauhsaknakin
thihnak pen hup thei tukma hi.
Ngamsa bangin paithong
bok tuk hi.