SAAM LABU 48
Pathian Khuapi Zion
1 Topa cu thawmngeng zetin,
a Pathian uh i khuapi le
a mual thiangtho humah,
nase zetin thangphat tuk hi.
2 Pathian i mual, Zion cu sangin
mawi vang mawizet hi.Ref 48:2 Mt 5:35;
Kumpi khuapi in leihumah
lungdamnak hengtik hi.
3 Pathian in mah khuapi sung,
a umnak kulhtian sungah,
Himnak um hi tih cu
4 Kumpite munkhatah
tawkdun haw in,
Zion mual do tukin hung haw hi.
5 Mahnaven Zion mual
amuh haw ten lamdang sazet haw;
Lau in tai khawng haw hi.
6 Nauhing kuan numei bangin,
launak le thinsuknak tuah dim hi.
7 Pathian in Tarshish timbaw ngengpite,
nisuahnak lam huih mangin
a timbaw siattik khawng hi.
8 Cungnungbel Topa,
a Pathian uhin,
a khuapi sungah na bawl mite
thei zo hung;
Tu in, a mit uhin mu leleu hung;
Amah in, a khuapi cu
kumkhua in hup tuk hi.
9 Maw Pathian aw,
na Biakinn sungah a kho mi
na ihnak cu ngaisung mek ung.
10 Nang cu leihum khua hempoh ten
pahcawi haw in
na min cu lei buppi ah thang hi.
Diknak tuah ngampi uk ci.
11 Zion a mihingte a lung haw
dam tahen.
Na thukhennak cu dik hi.
Judah khuapi tei lakah
lungdamnak um tahen.
12 Pathian i mihingte,
Zion mual kimin hawh unna,
tausangpite khi sialteh un.
13 A pangte komno in zo unna,
khangthak tei lakah na hilh tukin
a ngal kulhtiante cu zo teh hem un.
14 “Hi Pathian cu kumkhua pen
kumkhua tian, a Pathian uh hi.
Kumkhua in amah in pui tuk hi.”