SAAM LABU 50
Biaknak Tatak
1 Cungnungbel Pathian
Topa cu awn hi;
Nisuahnak pen nitumnak tian,
lei buppi cu sam hi.
2 Pathian cu mawinak
cangkim a neitu
Zion khuapi pen ni bangin
3 A Pathian uh cu hung naven
mengdenno in hung ma hi.
A mailamah mei alh huhum tuk a,
a elkimah nase zetin
huihpi theu tuk hi.
4 A mihingte thu a khen ten
theihpihtu tukin
lei le van samin,
5 “Biakpiaknak pia in
keimah tuah thutepnak
a bawltu muantak
ka mihingte cu ka lakah
1amkhawm un,” ti hi
6 Van ten Pathian cu dik hi.
Amah cu thukhentu hi,
7 “Maw ka mihingte ngai hem un,
awn tung hi.
Maw Israel a cangcianin
theitik tung.
Keimah hi Pathian ing hi,
na Pathian uh ing.
8 Ka lak a na piak leleng uhmi
biakpiaknak le
meihal biaknakte hangin
nohte liat hi mang.
9 Mahnaven na inn uh pen
na ken uhmi na khuicang uhte
kul viang mang;
Na nganhing hon tei lak a
na keel uhte vang kul hihim mang.
10 Itahim titale
ngamsa hempoh cu kata hi.
Sialcelh ngawl mualhum a
nganhingte vang kata hi.
11 Vano hempoh le hampa lakah
a nungmi hempoh vang
kata hi khawng hi.
12 Ka ngilkial a hin nohte
hilh tuk mang;
Itahim titale leihum buppi le,
a sung a ummi hempoh cu kata hi.
13 Khuicang cik ei ing maw?
Keel thi in ing maw?
14 Na lungdamnak uh hi
Pathian lak a na piak uhmi
biakpiaknak hi saw hen.
Mahten piak tuk tin na tepsa
uhmi hempoh cu
Cungnungbel lakah pia un.
15 Haksatnak a hen ten
keimah sam unna,
nohte cu pan tung hi.
Noh ten keimah thangphat
16 Mahnaven mipha ngawl tei
lakah Pathian in,
“Ka thukham cu ita son leleng
nuam uh cim?
Ka thutep cu ita sonnuam
li uh cim?
17 Na ngamtat dan uh lep tuk cu
nuam ma uh ci
Ka thukham cu nung hek
khawng uh ci.
18 Nguca na muh uhten
a ngualcamin um uh ci.
Mitei zi a sualpihtu tuah
phialdun uh ci.
19 Awn pha ngawl awn tukin
zuan ngangzet uh ci.
Zolthu son tukin pelh awng ma uh ci.
20 Na unau tei phat ngawlnak zei le
sual nawn tukin mansa in
um leleng uh ci.
21 Hizahta in, na pha ngawl
bawl nave uhcin,
Kei in imah awn mang.
Mah hangin keimah tianin
nangmuh bangin ngaisung uh ci.
Mahnaven atu-in nun hilh tung.
Ciang zetin hilh tung hi.
22 Keimah a simsial ngawl tute
Hi thu hi komno in ngai un;
Mahma tale, nohte cu
siatsuah khawng tung.
Kuamah pantu nei tukma uh ci.
23 Ka lak a lungdamnak
na langtik uhmi hi
Ka min phatiktu biakpiaknak hi.
Ka thu a zuitu hempoh cu
pan hihim tung,” ti hi.