SAAM LABU 44
Himnak Tuk Thungetnote 44:0 Korah Hin Tei Phuahmi La.
1 Maw Pathian aw, ka beng uhin
za zo ung,
tanglaih a, nalamdang
na bawlmite cu
ka pu le pa uhten hilh zo haw hi.
2 Nangmah in Pathian thei
ngawlte cu hawlvawkin,
na mihingte ngam luahtu in,
na bawl!
Mi phundangte cu dantat
navecin,
na mihingte mi neinungin,
bawl ci!
3 Na miphun ten hi ngam cu
a ngalnam haw in
a nehmi haw hei hi ma hi.
Na thawm le na ngilnak amu lak
na um lelengnak le,
na ihnak a lak haw a,
na langtiknak hangin neh haw hi.
4 Nangmah cu ka kumpi le
ka Pathian hi ci.
Na mihing tei lakah ngalnehnak pia ci.
5 Na hu le thawm tuah ngalte neh ung.
Ka lak uhah na um hangin
keimuh dotute cu hawlvawk ung.
6 Ka thalcang hi muang mang,
ka ngalnam hei in, kei pan thei ma.
7 Ka ngal tei khut pen na hup zo hangin
keimah a huatute cu neh zo ci.
8 Nangmah cu thangphat tuk ung.
Kumkhua in pahcawi tuk ung.
9 Mahnaven nangin zamsanin,
ka ngal ten nehleh hawta hi;
ka ngalkap tei lakah hawh ma toh ci.
10 Ka ngal tei mai pen taitik zo ci,
ka ngal uhten ka na uhte
sut khawng zo haw hi.
11 Tuu bangin thah khawng tuk phal zo ci.
Ngam dadangah khenkhek khawng zo ci.
12 Na mihingte cu zuak ci a,
aman haw na ngetmi cu sontak ma hi.
Na zuakmi manin, a met imah
13 Ka hum uh a na bawl mite hi,
ka innnel ten amuh haw ten,
zawnsakin nuihsan haw hi.
14 Miphun tampi tei lak pen nautatmi,
miphunin suakta ung.
Nautat zotsaknak tuah a lu haw
thing li haw hi.
15 Kei a deih ngawltu le ka ngal tei lak pen,
zotsaknak le sonsiatnak ka theih hangin,
16 zahcaknakin puanin khuhin,
mualpho in um leleng ing.
17 Nang cu phawkngil ma ung,
keimah tuah na thutepnakte
siatsuah ma nave ung,
hiti bang nate ka hum uhah heng hi.
18 Ka lungmu uh hawkdak ma ung;
na thupiak ngai ngawlin
um awng ma ung.
19 Mahnaven kuamah bawmtu nei ngawlin,
ngamsa tei lakah zamsanin,
thihnak khuathim lakah
20 Ka Pathian biak uh cawlin,
ngamdang tei pathian nelah
thu ka ngen uh bang ahin,
21 Nangmah in thei khawng zo ci.
Itahim titale nang cu mihing tei
ngaihsut kuhmite
a thei khawngtu ci.
22 Mahnaven nangma hangin
thahnak thuak ung,
thah tukmi tuu bangin
ngaihsutmi hi ung.Ref 44:22 Rom 8:36;
23 Topa aw,
khanglo tohin!
Itakaw na hihbuh leleng?
Tho inna! kumkhua in lawl pahsun.
24 Ita ka lak uh pen ngelh leleng cim?
Ka haksatnak uh le
ka thuaknak uhte hi
25 Lei humah sihpekmi hi ung hi.
Ngal ten nehin leivul lakah lum ung.
26 Tho inna, bawmin hi.
Na ih hangin hu pan zalin!