SAAM LABU 43
Ngalmatmi tei Thunget
1 Maw Pathian aw, ka thu sonsak inna,
Pathian thei ngawl tei maicangah
sual nei ngawl ka hihnak hi
theitikin,
mipha ngawlte le mizol thiam tei
lak pepanin hi.
2 Nang cu keimah huptu ci.
Itakaw kei na zamsan?
Ka ngal tei bawlsiatnak cu
itakaw ka thuak pepel hih tuk?
3 Na vaknak le na thudik
pia zal inna,
Na mual thiangtho
Zion ah le na umnak na
Biakinn ah pui zal tahen.
4 Maw Pathian aw,
na biaklandawhah hawh tung.
Lungdamnak le thatuinak
na piak hangin
ka Pathian aw,
phaidaak tumthahin
nangmah thangphatnak lasa tung.
5 Ita hi bang lawlawmin
thasia ing kaw?
Ita hi bang lawlawmin
lungkham ing kaw?
Pathian bek muansan ing,
amah cu thangphatleh tung
ka nunpantu le ka Pathian hi.