SAAM LABU 45
Kumpi Zihuainak La note 45:0 Korah Hin Tei Phuahmi La.
1 Ka lungmu sungah awn pha le
awn mawi tuah dim hi;
Kumpi ca in, la ka phuah ten
ka lei cu laingan thiam pa i
laikung bang hi.
2 Nang cu pano hempoh lak pen
a piangbel ci.
Kam thiamzet na hih hangin
Pathian in muicu pia leleng hi.
3 Maw kumpi Bawipa,
na tai ah na namsau khaihin;
nang cu huham nei le
mi sunglawi ci.
4 Thudik le thuman lam tanpih tukin,
na ngilnak tuah nehnakah hawhin!
Na ngilnakin nehnak tampi
5 Na thalcang cu hiam ngangai in,
na ngal tei thin cu sun let hi.
Miphun tampi cu na ke bulah
lum haw tuk hi.
6 Pathian i piakmi
kumpi khunnak cu
kumkhua pen kumkhua tian
kho tuk hi.Ref 45:6-7 Heb 1:8-9;
Na uknak cu diknak tuah uk ci.
7 A manmi cu deih ci a,
a pha ngawl cu hua ci.
Mah hangin Topa
na Pathian in nang cu teng zo hi.
Midang hempoh sangin na humah
lungdamnak cu buaksuk zo hi.
8 Na puante cu mura zimui,
aloes namtui le
Kassia zimuite noihmi hi
a nam helhul hi.
Saiho tuah lam mi kumpi innah
la thiam ten la tuah awi haw hi.
9 Na umnak innpi sung a ummi
numeite cu kumpi canute hi.
Na kumpi khunnak i taklamah
Ofir ngam a, sui phabel
a thuamtu kumpinu um hi.
10 Maw kumpipa i khanglai
ka hilhmi hi theihpih zalin hi.
Na mihing le na innkuate
11 Na mawi hangin kumpi pa in
deih tuk hi.
Na bawi a hih hangin
a thu cu ngai in hi.
12 Taiar khua numei ten
laksawng pia haw tuk hi.
Mihau ten nangma bop tuk deihin,
a sum haw mang haw tuk hi.
13 Kumpi canu cu kumpi inn
sungah um hi.
Khanglai mawizet hi!
A puansilhte cu sui nimzang
tuah takmi hi.
14 A pian aile a de selsulmi
puan mawizet silhin,
kumpi lakah hawhpih haw in,
amah cingtu numei ten zui haw hi.
Amuhte vang bawipa i lakah
15 Lungdam thatui zetin
hawh haw in,
kumpi inn sungah tum haw hi.
16 Maw ka kumpi,
capa tampi nei tuk ci.
Na pu le pa tei i hi haw tuk hi.
leihum buppi uktu in bawl tuk ci.
17 Hi ka la phuahmi hin na min cu
kumkhua in nungtik tuk hi.
Mi hempohin nangmah cu
kumkhua in thangphat haw tuk hi.