SAAM LABU 40
Thangphatnak La note 40:0 David Phuahmi la hi.
1 Topa i bopnak cu
ngak leleng ing,
ka aw cu ngai in, ka aunak cu za hi.
2 A lauhuai khuk thukzet sung pen
kei doksuahin; cinciak tuah dimmi
khuk sung pen suangpi humah
himno dingtikin,
lungmuang zetin koih hi.
3 Pathian thangphatnak la thak
sa tukin zilh hi.
Mahtibang bawlmi a mutu hempoh ten,
Topa cu kihca in
4 Milim le pathian sual bia ngawlin le
mi pualthau le mizol theite
phial ngawlin,
Topa a muangtute cu
mi muicute hi haw hi.
5 Maw Topa ka Pathian aw,
kohtei ca in, na tampi bawl zo ci.
Nangmah bang kuamah um haw ma.
Kohtei ca in thasiahhuai
tuptahmi nei ci.
A venghawngin ka hilh khawng
nuam hei in, hilh ceng tuk mang.
6 Biaklandawh hum a,
nganhing biakpiaknakte cu
na deihmi kha ma hi.Ref 40:6 Heb 10:5-7;
Halkang biakpiaknak hei,
na ngetmi hi kha ma.
Sualhahnak tukin biakpiaknak hei,
na lungdammi hi ma hi.
Mah sangin, na thu ka zak
theihnak tukin beng pia ci.
7 Na lakah, “Hilai ah um ing.
Ka ca in, na thuzilhmite cu
Daan laibu sungah um hi.
8 Ka Pathian na deihnak zui tuk cu,
itih zahin kaw ka nuam!
Na thupiakmi cu ka lungmu
sungah vong ing,” tin ti ing.
9 Topa aw, na mihing tei
khawmnak munah na nunpatnak
thuthangpha son tung.
Mahtin ka son cu
cawl awng tuk mang, tih cu thei ci.
10 Na patnak thuthang cu
keima lak bekah koih mang.
Muantak na hihnak le
na bopnak cu hilh leleng tung.
A kho mi na ihnak le
muantak na hihnak cu,
na mihing tei tawhdun khawmnak munah
mengdenin umpih thong mang.
11 Topa aw, ka hum a,
khaw-ngaihnak na neihmi cu
bo awng tukma, tin um ing.
Na ihnak le na diknakin
kei hup leleng tuk hi.
Bopnak Tuk Thunget
(Saam 70)
12 Sialcelh ngawl haksatnak tampi ten
kiilcihin, ka sualnakin keimah
man ngahin, khua hei mu thei mang.
Mah sualnakte cu ka lu hum a,
samzang sang tam saw in,
ka thinsu zo hi.
13 Topa aw, kei hu pan inna,
tu in bawm zalin hi.
14 Keimah thah a tum litute cu
zakca in le lungsilin um haw tahen.
Haksat ka tawh ten a lungdamtute cu
Nunglamah kikleh hen na,
mualpho tahen.
15 Cekpan bawlnakin, a mangtute cu
a sun haw hangin
16 Na lak a hung mite cu lungdam le
thatui in um haw hen.
Na nunpatnak a deihtu ten,
“ Topa a thawmngeng hi,”
17 Kei cu mi haksa le thinkhammi ing.
Mahnaven Topa, nangin
kei hi sehelhzet ci.
Nang cu keimah bawmtu le
pantu hi ci.
Maw Pathian aw, manlangin
hu bawmin!