SAAM LABU 39
Haksatnak A Thuaktu i Sual Phuannak note 39:0 David Phuahmi la hi.
1 Ka lungmu sungno in,
“Ka thil bawlmi ah ngalling tung;
ka lei in sualtik pahsuh hen.
Ka ngalte ka elah a um sung haw cu
imah awn tuk mang,” tin ti ing.
2 Mengdenin, kam khatno hei
awn ngawlin le thilpha hei
son ngawlin ka um ten, ka haksat
thuaknak cu luai dedeuhin,
3 ka lungmu tamzet hi.
Tamdeuhin thu ka ngaihsut ten,
ka haksatnak tam dedeuh,
mah hangin Pathian nelah,
4 “ Topa aw, ituk tian kaw ka nuntuk?
Thi tuk mang maw?
Ka nunnak a com dan hi, hu theitik zalin,”
tin dong ngawlin um thei mang hi.
5 Ka nunnak hi khap khat bek thong hi.
Na mai ah ka ngamtat hi
imah son tham ma hi.
Mihing nunnak cu
a haihawh uhmi huih bek hi.
6 Alim uh bang thong hi.
A dehmi hempoh cu a thawnthong
suak khawng hi.
Neih le lam cum pepel naven
a cotu tuk ngangai thei ma hi.
7 Mahtin ahi tale maw Topa,
ikaw muansan tuk ka neih?
Ka muansanmi cu
nangmah bek ci.
8 Ka sualnak hempoh sung pen
luattik inna, misil tei
cekpan bawlnakin cangtik pahsun.
9 Hitihzah haksat thuak tukin
kei na bawl hangin mengdenin
um tung; kam khat hei
awn tuk mang.
10 Kei bawlsia toh pahsun.
Na vah hangin thi awn toh ing.
11 Mihing sualnak cu dantatnak tuah
lulleh ci, a sunsakmi na hempoh cu,
leikhalawn bangin siatsuah khawng ci.
Mihing cu haihawh huupmi
huih bangthong hi.
12 Topa aw, ka thungetnak
zaksak zal inna,
ka ngetmi hi theihsak zalin hi.
Na lakah ka kah ten mengdenin
zamsan thong pahsun.
Ka pu le pate bangin kei hi
hun comno sung bek
na mikhual ing.
13 Hi leihum hi zamsanin ka umleh
ngawl toh hun, a hen deuh laih ngawlin
lungdamin ka um theihnak tukin
khawih zalin hi.