SAAM LABU 41
Damnak Tuk Thungetnote 41:0 David Phuahmi la hi.
1 Mi ca-ngah a ngaihsaktu cu
mi muicu hi.
A haksat haw ten Topa in
bawm tuk hi.
2 Topa in cingkem tuk a,
nunnak hup tuk hi.
Hi ngam sungah mi lungdam hitik tuk hi;
A ngal tei khut sungah
zamthong tukma hi.
3 A nat ten Topa in bawm tuk hi.
4 Topa i lakah, “ Topa aw,
na humah sual zo ing.
Kei hehpih zal inna,
damtik zalin,” ti ing.
5 Ka ngal ten ka thu cu a selam ngehin
son haw hi.
“Ituk ten thi in, ituk ten a min
a paih khawng tuk?” ti haw hi.
6 Keimah a vehtute cu thin thiang
lung thiangmi hi haw ma hi.
Ka humah thusia bebek zei haw in,
A kihleh haw ten
khua hempoh ah son haw hi.
7 Kei a huatu ten ka thu bebek
son kuh haw hi.
Ka ca in, a siabel tianin
ngaisung haw hi.
8 Amuh ten, “Nasezet na in, a zaunak pen
tholeh tukma toh,” tin ti haw hi.
9 Ka ngualcam phabel, ka muanbel mi le
an ka eihpihtu in keimah langpang zo hi.Ref 41:9 Mt 26:23; Mk 14:18, 20; Lk 22:21; Jn 13:18;
10 Topa aw, ka ngalte ka lulhleh
theihnak tukin,
kei hehpihin damtik zalin hi.
11 Ka ngal ten a neh haw ma tale
ka humah na lungdam hi
tih thei tung hi.
12 A manmi ka bawl hangin
nangmah in bawm tuk ci a,
kumkhua in, na lakah umtik tuk ci.
13 Topa Israel i Pathian cu
thangphat un.
Amah cu tu le kumkhua in
thangphat un.
Amen, Amen!Ref 41:13 Saam 106:48;