SAAM LABU 38
Haksatnak Thuaktu i Thungetnak note 38:0 David phuahmi Thasiatnak la hi.
1 Topa aw, na thinukin liat pahsun.
Na thinukin bawlsia zal pahsun.
2 Na thalcang tuah kapin
kei liamsuah zo ci, lumvo in vat zo ci.
3 Na thin a uk hangin nase zetin, na ing.
Ka sualnak hangin ka nguh cu
natnak tuah dim hi.
4 Ka sualnakin tuilun bangin khuh nuam hi.
Ngit leita in pua thei mang.
5 Ka sil leita hangin ka meimate cu,
naikuahin uih haw hi.
6 Ka el awnin bok cih ing.
Thalengin tau in kap ing.
7 Ka nattun laihtakin can tawtok ing;
nase zetin, na ing.
8 Ka thabo in amthong ing,
9 Topa aw, ka lungmu i deihmi cu
thei in, ka taunak vang za ci.
10 Ka lunghiingin tha nei lehma toh ing,
ka mit hei khua mulehma toh hi.
11 Meima tampi ka neih hangin
ka ngualcam le
ka khanpih ten sitzet haw;
Ka inn nelte nangawn
um langkhat nuam haw ma hi.
12 Keimah a that nuamtu ten
thangsiah haw, liamsuah nuamtu ten,
siatsuah tukin thum haw hi.
Sun nilui in keimah suamnak tuk
13 Bengbul bang ing, imah za thei mang,
longbing bang ing, imah awn thei mang.
14 Mitei ot a zak theih ngawl hangin,
a donleh thei ngawlmi bang ing.
15 Topa aw, nangmah muang ing.
Topa ka Pathian,
nangmah in hu don zalin hi.
16 Haksatnak ka tawh hangin,
ka ngalte, angtik pahsun.
Ka bah hangin pualthau
haw pahsuh hen.
17 Ka bah awn leleng hangin
catngawlin haksatnak thuak ing.
18 Ka sualnak le ka khelhnak cu
im mang, kia lungmu cu
ngaihsut hak zetin um ing.
19 Ka ngalte cu a ti haw dam zetin
ngilsih haw hi.
A thu um ngawl pi in keimah a huatu
tamzet haw hi.
20 A manmi ka bawltum leleng hangin
keimah a deih ngawl tute in,
Phatnak cu siatnak tuah lulleh haw hi.
21 Topa aw, kei nunghek pahsun;
ka Pathian, khawlapi ah
umsan thong pahsun.
22 Topa, kei Pantu,
atu in bawm zalin hi.