SAAM LABU 37
Mi Pha Ngawl le Mi Pha Tei Hennak Tuk Mun
1 Mipha ngawl a um haw hangin
ngaihsut hakin um pahsun.
Sualnak a bawl haw mite vang
hawza pahsun.
2 Amuhte cu a ko mi hampa bangin
paithong haw tuk hi,
Hampa thim bangin thi haw tuk hi.
3 Topa cu muang inna,
thilpha bawlin hi.
Hi ngam sungah himdamno in
um tuk ci.
4 Topa i lakah lungdamnak
zei inna, na deihmi pia tuk hi.
5 Topa i lakah na nunnak apin:
amah muang inna,
nangmah bawm tuk hi.
6 Na phatnak cu khuavak bangin
vaktik tuk a, na diknak cu
sun ni vak bangin vaktik tuk hi.
7 Topa i mai ah cingdenno in
ngak inna, ama na cu
thinsau zetin ngakin hi.
Mi neinung a hih haw hangin
lauthawngin um pahsun.
Thil pha ngawl bawl tei
a lawhtin haw ten
8 Na thinuk pahsun!
Na lungmu hei tam pahsun;
haksatnakah hehpih tuk hi!
9 Topa a muangtu cu
hi ngam sungah ngimta zetin
um haw tuk hi.
Mahnaven mipha ngawlte cu
10 A ngeican um ngawlin
mipha ngawlte cu
thamthong haw tuk hi.
Na zei vangin mu tukma toh ci.
11 Mahnaven mi lungnem ten,
hi ngam cu luahin,
lemdaihnak tuah ngimta zetin
khangto haw tuk hi.Ref 37:11 Mt 5:5;
12 Mipha ngawlin mipha cu
suamin, huatnak mit tuah zo hi.
13 Topa in mipha ngawl cu
nuihsan hi. Lalthong paih
14 Mipha ngawlin, a ngalnam haw
dokin, a thalcang haw kau haw;
mi ca-ngah le mi haksate
thah tum haw in, mipha le midikte
thah khawng tum haw hi.
15 Mahnaven amu manmi ngalnam tuah
amuhte cu dawh co haw tuk a,
a thalcang haw cu ektuah khawng
16 Mipha ngawl tei neihmi
thil tampi sangin,
Mipha tei neihmi thil dawmno cu
man nei saw hi.
17 Itahim titale Topa in,
mipha ngawl tei ngilnak cu
siatsuah tuk a, miphate cu
18 Topa in, ama thu
a zuitute cu cingkemin, hi ngam cu
kumkhua in amuh ta hituk hi.
19 Haksatnak hun a hen ten
haksatnak thuak haw tukma hi.
Paam a heng hei in, khamkhop
ngah leleng haw tuk hi.
20 Mahnaven mipha ngawlte cu
thamthong haw tuk hi,
Topa a dotute cu hampa lak
pak bangin le meikhu bangin
21 Mipha ngawlin mitei thil pu in
lohleh ma hi.
Mahnaven mipha cu
mi hehpihin lawithiam hi.
22 Topa i muicu piakmi ten
hi ngam cu luah haw tuk hi.
Mahnaven a tamsiat mite cu
23 Mihing tei hawhnak lampi cu,
Topa in selhsakin, a deihnak bangin
a ngamta tei humah
a lungdam hi.
24 A bah vangin lumvawk tukma hi,
Itahim titale Topa in
25 Ka neulaih pepan ka tek tian,
Topa in mipha a taisan
mu awng mang.
A cate vang an a nget haw lam
mu awng mang.
26 I hun bang hun hei in phalzet
pia in, coih hi,
A cate cu a muicu in cang haw hi.
27 Siatnak cu taisan inna,
phatnak bawlin,
Mah ahi tale hi ngam sungah
kumkhua in um tuk ci.
28 Itahim titale Topa in,
a thudik deihin, amah a muangtute cu
nunghek ma hi.
Amuhte cu kumkhua in hup hi.
Mahnaven mipha ngawl tei
canaute cu lalthong haw tuk hi.
29 Midikcang ten hi ngam cu luahin,
ngimta zetin kumkhua in
30 Mipha tei awnkam cu cihnak
awnkam hi; a hilhmi cu a lamcam hi.
31 Pathian i daan cu a lungmu sungah
koihin; ituk mahten pialsan awng ma hi.
32 Mipha ngawlin mipha cu
zo kuh lelengin thah tum hi.
33 Mahnaven Topa in, a ngal tei
khut sungah zamthong tukma hi,
A thu a son haw hei ten
34 Na muansannak uh cu
Topa i lakah koih unna,
a thupiakmite zui un.
Hi ngam co theihnak thazaang pia tuk hi.
Mipha ngawlte siatsuah khawng
35 Mipha ngawl pa khat thunei theizet le
ultung theizet mu awng ing;
Lebanon a sidar thingkung bangin
midang sangin sang saw deuhin
koih cawm hi.
36 Mahnaven a nung ka zohleh ten
umleh ma toh hi.
Ka zei vangin mu lehma toh ing.
37 Mipha cu zo hem un, midikcang cu
zo cian hem un, mi taituang ten
canau tampi nei haw hi.
38 Mahnaven mipha ngawlte cu
siatsuah khawng hi haw in,
a canau haw cu cimit khawng haw hi.
39 Midikcang tei patnak cu
Topa i lak pen hung hi.
Haksat hun ten a buknak haw
suangpi hi.
40 Topa in amuhte cu
bawmin pan hi.
A nelah beltukin a zot haw hangin,
mipha ngawl tei khut pen
humhim hi.