SAAM LABU 35
Bopnak Tuk Thunget
1 Topa aw, keimah a langpangtute cu
langpang bok inna, a dotute cu
doleh bokin hi.
2 Na lumphol le na ngaldonak angki
la inna, keimah bawm tukin tulin hi.
3 Na ceipi le na hiamnam la inna,
keimah a hiltute cu khamin hi.
“Nangmah pantu ing hi,”
4 Keimah thah a tumtute cu
sungin zakca in um haw tahen.
Keimah siatsuah tukin
a suamtute cu thinnau le
lungmutamin kik haw tahen.
5 Topa i vancungmi in,
a hilvawk ten, huih i muhmi
cangvai bang hi haw tahen.
6 Topa i vancungmi in,
a vah ten, a lampi haw thimin
7 Imah thu hei um ngawlin
keimah man tuk thangsiahin
khuk thukzet co haw hi.
8 Mahnaven a celh haw laih ngawlin
siatnakin pha tuk hi.
Amu siahmi thangin amuh awkcop
haw tuk hi.
Amu cawhmi khuk sungah
9 Topa hangin ka thatui tung,
kei a hup zo hangin ka thatui tung.
10 Topa i lakah
lungmu venghawngin,
“Nangmah bang kuamah um haw ma hi.
Mi nawmtamte cu mi ngil
ngalpha tei khut pen hup ci.
Mi ca-ngah le nuncimte cu
mi zawnsaktu tei khut pen
11 Mipha ngawl ten ka sual zei tukin
hung haw.
Ka theih awng ngawlmi sual nawn
haw hi.
12 Phatnak cu siatnak tuah lulleh haw in,
thinnau le lungsia in um ing.
13 Kei in amuh tei dam ngawl ten
thasia le thangkhau puan silhin,
an cangin um ing.
14 Ka ngualcam le ka unau tei ca
lu kunin thungen ing.
Mi pa kha khat a nu thi in,
mithi a ngaih bangin, amu ca in
lungsia le kuunin hawh ing.
15 Mahnaven haksatnak ka tawh ten,
amuhte cu lungdam haw hi.
Ka elkimah umcipin nuihsan haw hi.
Ka theih awng ngawl mite hei in
vaat haw, cawl ngawlin
vaat leleng haw hi.
16 Mizawngte zawnsakin,
a khalhsiat haw bangin hi.
Huatnak mit tuah zo haw hi.
17 Topaaw, itik tian kaw
hi bangin na zoh thong tuk?
Hiti bangin kei a vahnak haw pen
pan zal inna, ka nunnak cu
hi kiosa tei lak pen
hup zalin hi.
18 A hulawmmi na mithiang tei
lak pen pahcawi tung.
Mi honpi tei mai pen
nangmah thangphat tung hi.
19 Zolthu sontu ka ngalte cu
khamin, ka sun hangin
ang haw pahsuh hen.
Thu la um ngawlin kei a huatute cu
kham inna, ka lungsiatnak hangin
lungdamin nui haw hok
haw pahsuh hen.Ref 35:19 Saam 69:4; Jn 15:25;
20 Ngualcam pha bangin awn haw ma,
Lemnak a deihtute cu
zolthu phunkim nawn haw hi.
21 Sual nawn haw in, “Na bawlmi
thei ung,” tin ngingzet au haw hi.
22 Mahnaven, maw Topa
nangin hite hi mu khawng ci;
Mah hangin mengdenin um zal pahsun,
Topa; Khawlapi ah
umsan thong pahsun.
23 Tho inna, Topa aw,
kei hupin; ding inna,
ka Pathian ka lamah tangin
ka thu sonsak zalin hi.
24 Topa aw, nang cu a dikmi hi ci.
Mah hangin mawh nei ngawlmi hi
tin sonsak zalin hi.
Ka ngalte cu nui haw hokin
umtik pahsun.
25 “Hawlvawk zo ung, ka deih uhmi
bawl ngah zo ung,” tin
tituk ngawlin nangmah in khamin hi.
26 Hitihzah ka thuaknak humah
a nuihsantu cu, zakca le
lungmutamin um haw tahen.
“Amuhte sangin pha saw ung,” a titute cu,
mualpho le zakca in um haw hen.
27 Keimah in thiam ka cotikmi cu
lungdam thatui in um hen na,
“ Topa cu thawmngeng hi;
A sila lawhtinnak a ngah hangin
a lungdam hi,” tin catngawlin
au haw hen.
28 Na diknak cu ka mukkamin
than tung, sun nilui in
nangmah thangphat tung.