SAAM LABU 31
Pathian Muangin Thungetnak
1 Topa aw, na lakah
belhnak zei in hung ing,
zakca in umtik pahsun.
Nang cu a dikmi Pathian
na hih hangin, kei hu pan zalin hi.
2 Ka ngetmi aw za in manlangin
kei hu pan zalin, ka belhnak
suangpi hi inna, kei hu hup zalin hi.
Ka kulhtian hi inna,
kei pan zalin hi.
3 Nang cu ka belhmi suangpi
ka kulhtian hi ci.
Na tepsa bangin, kei cing inna,
lampui zalin hi.
4 Keimah a siahmi thang pen
luattik zalin hi.
Nang cu ka belhmi hi ci.
5 Ka nunnak cu na khut sungah koih ing.
Topa aw, nangmah in
kei hup zalin;Ref 31:5 Lk 23:46;
Nang cu muantak Pathian hi ci.
6 Milim biak cu hua ci.
Mahnaven kei in nangmah muang ing.
7 A khohmi na ihnak hangin,
Ka lungdam tung a, ka thatui tung hi.
Ka thuak daante mu in,
ka haksat daante thei ci.
8 Ka ngal tei khut sungah hengtik ma ci.
Ka nuamnakah ka deih bangin hawh ing.
9 Topa aw, ka humah hehpihnak
nei zalin, thinkham zetin um ing.
Ka kahnakin ka mit bum khawngin,
ka tha bo khawng zo hi.
10 Lungsiatnak hang ka tha bo hi.
Ka kahnakin ka khancom hi.
Haksat ka thuaknak hangin ka thanem hi.
Ka nguh cawmin muat hi.
11 Ka ngal ten cekpan bawlnakin mang haw,
ka innnel ten nuihsanin,
A theitu ten keimah lau haw,
Lampi ah keimah amuh haw ten
tai haw hi.
12 Kuamah in kei thei haw ma toh,
Mithi bangin ngaisung haw hi.
Beelkeh vawkmi bang ing.
13 Ka ngal tei thu kuh a sonmi haw thei ing.
Ka elkim cu thinsuknak tuah dim hi.
Keimah that tukin sawm haw,
Keimah thah tum haw hi.
14 Mahnaven maw Topa,
Ka muanmi cu nangmah hi ci.
Nang cu ka Pathian ci.
15 Ka ihempoh na khutah um hi,
Ka ngalte le keimah a bawlsiatu tei
khut pen hup zalin hi.
16 Kei cu na sila ing.
Hehpih ningnatnak tuah kei zo zalin hi.
A khohmi na ihnakin
kei hu panin hi.
17 Maw Topa, nang sam ing,
zahcaknakah hengtik zal pahsun.
Mipha ngawlte cu zakca haw tahen;
Mithi ngamah ot tuk nei ngawlin
um haw tahen.
18 Mi ultungte le mi pualthaute,
zotsaknak tuah mipha tei
thu a sontu le,
Zolthu a sonnak haw kam cu
bin zalin hi.
19 Nangmah a kihcatu tei ca in,
Na khawlsa mi thilpha a tam daan cu!
Nangmah a muangtute na hupnak thu,
Mi hempoh mitmuhah a mawidan cu!
20 Na ha nuai ah himno in koih ci,
Miphial sawmnak pen luat haw hi.
Na hupnak kua sungah himno in sel ci.
A ngal tei zotsaknak pen luat haw hi.
21 Topa cu thangphat hi tahen.
Ka ap vansan laihin, ka elkimah um hi.
Kei na ihnak na langtikdan hi
thasiahhuai hi!
22 Lauthawng thah zetin,
“A umnak pen kei vawk zo hi tuk,”
tin ngaisung ing.
Mahnaven bopnak ngenin
ka sam ten, ka aunak aw cu
23 Muantak mite, Topa cu it un,
Amah a muangtute cu
Topa in humhim hi.
Mi ultungte cu nase zetin dantat hi.
24 Topa ah muansannak a neitute,
ngilzet unna, ngalpha zetin
um un hi.