SAAM LABU 32
Sual Phuannak le Ngaihdamnak
1 A khelhnak ngaihthiam mi le
A sualnak zah co mi cu
mi muicu hi.Ref 32:1-2 Rom 4:7-8;
2 Topa i sual a not ngawlmi,
a lungmu sungin mizolnak
a nei ngawltu cu mi muicu hi.
3 Ka sualnak phuang ngawlin
ka um ten, sun nilui kapin,
ka taksa nem khawng hi.
4 Topa aw, a sun a zanin dantat ci.
Ka zaangtha cu khaal nisa in,
daita a kotik bangin kotik khawng hi.
5 Na lakah ka sualnak cu phuang ing;
ka bawl sualmi pa khatmah im mang.
Ka sualnakte na lakah phuang tukin
ka khencat bek ten
Topa in ka sualnak hempoh cu
zah hi.Ref 32:5 2Sam 12:13;
6 Nangmah a muansantu hempohin,
a haksat hun haw ten
na lakah thungen haw hen.
Tuihau a tun ten a lak haw ah
heng tukma hi.
7 Nang cu ka belhmi hi ci.
Haksatnak pen hup tuk ci.
Nangmah in, na humhim hangin,
na nunpatnak cu la tuah
nging zetin sa tung hi.
8 Topa in, “Na zui tukmi
lampi hilh tung, zilhin lak tung hi.”
9 “Cipuh le laak bangin sil pahsun.
Na thu ngaitu a hihnak haw tukin
amuhte cu, kamkalh le muk khau tuah
dawh kul hi haw hi,” ti hi.
10 Mipha ngawl tei thuakmi cu tamzet hi;
Mahnaven Topa a muangtute cu
a khomi a ihnak tuah hup hi.
11 Noh midikcangte, Topa lakah
lungdam thatui in um un.
Noh lungmu phate,
lungdam zetin au un hi.