SAAM LABU 136
Lungdamnak La
1 Topa i lakah lungdam thu hilh un;
Itahim titale amah cu pha hi.
A ihnak cu kumkhua in kho hi.Ref 136:1 1Khang 16:34; 2Khang 5:13; 7:3; Ezr 3:11; Saam 100:5; 106:1; 107:1; 118:1; Jer 33:11;
2 Pathian hempoh lak pen
a ngengbel Pathian nelah
lungdamnak thu hilh un;
A ihnak cu kumkhua in kho hi.
3 Bawi hempoh lak pen bawibel lakah
lungdam thu hilh un.
A ihnak cu kumkhua in kho hi.
4 Amah bekin thasiahhuai bawlin;
A ihnak cu kumkhua in kho hi.
5 A cihnakin vante bawl hi;
A ihnak cu kumkhua in kho hi.Ref 136:5 Pian 1:1;
6 Leipi cu tui thukpi humah dingtik hi;
A ihnak cu kumkhua in kho hi.Ref 136:6 Pian 1:2;
7 Amah in ni le ha vang bawl hi;
A ihnak cu kumkhua in kho hi.Ref 136:7-9 Pian 1:16;
8 Ni cu sun uktu in bawl hi;
A ihnak cu kumkhua in kho hi.
9 Hade le aksite cu zan uktu in bawl hi;
A ihnak cu kumkhua in kho hi.
10 Izipt mitei capa upabel that khawng hi;
A ihnak cu kumkhua in kho hi.Ref 136:10 Suah 12:29;
11 Israel mite Izipt ngam pen pui tul hi;
A ihnak cu kumkhua in kho hi.Ref 136:11 Suah 12:51;
12 A baantha ngil le
a khut thawmngeng tuah;
A ihnak cu kumkhua in kho hi.
13 Tuipi san cu khentik hi;
A ihnak cu kumkhua in kho hi.Ref 136:13-15 Suah 14:21-29;
14 Mah sung pen a mihingte pui hi;
A itnak cu kumkhua in kho hi.
15 Faro le a ngalkapte cu tui sungah
nimtik khawng hi;
A ihnak cu kumkhua in kho hi
16 A mihingte ngmakhingah pui hi;
A ihnak cu kumkhua in kho hi.
17 Kumpi ngilzette that khawngin;
a ihnak cu kumkhua kho hi;
18 Kumpi minthangzette that khawng hi;
A ihnak cu kumkhua in kho hi.
19 Amor kumpi Sihon that hi;
A ihnak cu kumkhua in kho hi.Ref 136:19 Mipum 21:21-30;
20 Bashan kumpi Og vang that hi;
A ihnak cu kumkhua in kho hi.Ref 136:20 Mipum 21:31-35;
21 A ngam haw cu a mihing tei lakah pia hi;
A ihnak cu kumkhua in kho hi.
22 A sila Israel lakah pia hi;
A ihnak cu kumkhua in kho hi.
23 Ngal a sun uhten ohte phawkngil ma;
A ihnak cu kumkhua in kho hi.
24 A ngal tei khut sung pen ohte luattik hi;
A ihnak cu kumkhua in kho hi.
25 Mihing le ngamsa hempoh an pia hi;
A ihnak cu kumkhua in kho hi.
26 Vancung Pathian nelah lungdamthu hilh un;
A ihnak cu kumkhua kho hi.