SAAM LABU 135
Thangphatnak La
Topa i silate a min cu
thangphat un!
2 Topa i inn sung le
a Pathian uh i mun thiangtho ah
a dingtute,
Topa i min cu thangphat un!
3 Topa cu a phat hangin thangphat un;
Topa cu mi hehpih thei
a hih hangin,
a min pahcoihnak lasa un.
4 Jakob cu amata tukin tengin,
Israel mi vang amata hi leleng
5 A Topa uh cu a thawmngeng hi
tih cu thei ing;
pathian dangte sangin ngeng saw hi.
6 Van le lei ah hei hihen,
tuipi le tuipi thukzet nuai ah hihen,
na deihmi cu bawl khawng thei ci.
7 Vanmawk pen meingo tultikin,
nguah le huihpi ca tukin
khuaphelep bawl hi.
A van koihnak sung pen huih tultik hi.
8 Izipt ngamah mihing hihen
ngannung hihen,
a catawntil haw hempoh that khawng hi.
9 Mahlai ah thasiahhuai le
nalamdang bawlin,
kumpi le a khutnuaite bawlsia hi.
10 Miphun tampi siatsuahin,
kumpi ngilzette vang that hi.
11 Amor kumpi Sihon,
Bashan kumpi Og le Kanaan ngamsung
kumpi hempoh that khawng hi.
12 A ngam haw cu ama mihing
13 Topa aw, na min cu
kumkhua in thang tuk hi;
Khang khat nung khang khatin,
nang cu thei leleng haw tuk hi.
14 Topa in, a mihingte panin,
a silate cu hehpih tuk hi.
15 Miphun dadang tei milimte cu
sui le ngun tuah bawlmi hi.
Mihing khut tuah bawlmite hi.Ref 135:15-18 Saam 115:4-8; Mang 9:20;
16 Kam nei haw naven awn thei haw ma.
Mit nei haw naven
mu thei haw ma hi.
17 Beng nei haw naven za thei haw ma,
Haihawh hei nei haw ma hi.
18 Mah milimte bawlin a muangtute cu,
a bawl haw mi milim bangin
19 Israel mite, Topa cu thangphat un;
Pathian i thiampite, amah cu thangphat un!
20 Levi mite Topa cu thangphat un;
Amah a biatu hempoh ten thangphat un!
21 Topa cu Zion ah thangphat un;
A umnak Jerusalem ah thangphat un!
Topa cu thangphat un!