SAAM LABU 137
Israel Mi Saltang Tei Kahnak La
1 Babilon ngun mawkah khungin
Zion ngai in kap ung.
2 Ka el uh a paaknem kung humah,
ka phaidaak uh khaih mek ung;
3 Keimuh a mantu ten lasatik haw;
Amuh lungdamtiktu tukin deih haw;
“Zion thu le lasah sak un,” ti haw hi.
4 Itin kaw Topa i la cu
miphun dang tei ngamah
ka sak theih tuk uh?
5 Jerusalem nang ka phawkngil tale!
Phaidaak tum thiam ngawltohin,
um nang ngei.
6 Lasa thei ngawltohin, um nang ngei;
Nang theileh ngawltohin!
Ka lungdamnakbel cu nang hi ci;
7 Topa aw,
Jerusalem a lak ni haw in,
Edom mitei a bawl haw mi cu
cing lelengin;
“Siatsuah khawng un,
siatsuah khawng un,” tin,
a au haw khi phawkngil pahsun.
8 Babilon, nang cu siatsuah khawng
hi tuk ci.
Ka hum uh a, na bawlmi hempoh hangin,
a hum a, phu a latu cu
mi lungdam hi.Ref 137:8 Mang 18:6;
9 Nawicawp lih laihmi
na naumomte la in,
suanghiam humah a thattu cu
mi lungdam hi.