SAAM LABU 107
Bu Nganak
Pathian i Phatdan Thangphatnak
1 Topa i lakah
lungdamnak thu hilh un,
Itahim titale amah cu pha hi.
A itnak cu kumkhua in kho hi.Ref 107:1 1Khang 16:34; 2Khang 5:13; 7:3; Ezr 3:11; Saam 100:5; 106:1; 118:1; 136:1; Jer 33:11;
2 Topa cu thangphat ten nung,
a patsa miten,
Na ngal tei khut sung pen
nohte panin,
3 nisuahnak, nitumnak,
saklam le hanglam a ummi
ngamdang pen nohte cu puitulleh hi.
4 Mi khenkhatte cu phillawnah,
lam pai in vakvai haw;
a umnak haw tuk khuapi
zuan thei hihim haw ma hi.
5 A ngil haw kialin, a dang haw dumin;
lung-amin, lungbing haw hi.
6 A haksatnak haw lak pen
Topa cu samin,
a cimkhamnak haw pen luattik hi.
7 Puitulin, lampi pha ah hawhpih hi,
a umnak haw tuk khuapi heng ing.
8 A khel awng ngawl mi a itnak le,
a ca haw in nalamdang
thasiahhuai a bawl mite hangin
Topa cu thangphat haw hen.
9 Dangdumte a dangdumnak haw phatikin,
Ngilkialte cu thilpha tuah dimtik hi.
10 Mi khenkhat cu lungsiatnak le
khuathim sungah um haw.
Thawngta hi haw in thik taicin
khih co haw hi.
11 Cungnungbel Pathian thupiakmi
deih haw ngawlin
a thuhilhmi a el haw hangin hi.
12 A nadehnak haw hangin
cawl leita in lum haw.
Mahnaven kuamah bawmtu le
phongtu nei haw ma.
13 A haksatnak haw sung pen
Topa cu sam haw in,
cim le khamnak haw pen luattik hi.
14 A lungsiatnak haw le
khuathim sung pen suaktikin,
a thik taicinte cu sukeh khawng hi.
15 A thekdun awng ngawlmi a itnak le
amu ca in nalamdang a bawlmi hangin
Topa cu thangphat haw hen.
16 Daal tuah bawlmi kongkate cu
sukeh khawngin, thik tuah bawlmi
a zawlte cu sep ek khawng hi.
17 Mi khenkhat cu a sual haw hang silin;
a phatngawlnak haw hangin
natnak thuak haw hi.
18 An hei zoleh nuam ngawltohin,
thihnak kongka bulah heng haw hi.
19 A haksatnak sung haw pen
Topa cu sam haw in,
a cim le khamnak haw sung pen
luattik hi.
20 A awnkamin damtik hi;
thihnak khuk sung pen suah hi.
21 A thekdun awng ngawl mi a ihnak le
amuh tei ca in nalamdang
a bawlmi hangin
Topa cu thangphat haw hen.
22 Biakpiaknak pia in, a lakah
lungdamnak pia haw hen;
lungdamnak la tuah a thil bawl mite cu
23 Mi khenkhat cu tuipi humah
timbaw tuah khualzin haw.
Tui hum khualzinnak tuah
pumcawmnak zei haw
24 Topa i thil bawlte mu haw;
Tui humah nalamdang a bawl mite cu!
25 Thu a piak ten huihpi cu
thum dudum hi.
Tuipi hum a tuicawkte tho to in
26 Lawngte cu humlamah septo in,
tuipi sungah nimtik hi.
Mahtibang hun can lauhuaizet a hen ten,
mihing tei ngalphatnak cu pai khawng hi.
27 Zukham misil bangin lum haw hi.
Thiamnak a neih haw mite cu
thawnthong khawng hi.
28 A haksatnak haw sung pen
Topa cu sam haw in
a cim le khamnak haw sung pen
luattik hi.
29 Huihsiapi cu mengtikin,
tuicawk cu daitik hi.
30 Lungdaihnak a um hangin
a lung haw dam hi;
A hawh nuamnak haw khua ah
himdamno in henpih hi.
31 A khel awng ngawlmi a ihnak le
amu ca in nalamdang a bawl hangin
Topa cu thangphat haw hen.
32 Mipi khopnakah a thawmngeng zia cu
tangau pih haw tuk a,
Upa tei tawhdun khawmnak munah
33 Topa in nguntuite cu
hul hilhialin kotikin,
ciktuite vang kangtik khawng hi.
34 Ngampha cu ngamko le
ngamphulin cangtik hi.
Mahlai ummi tei phatngawlnak hangin
35 Phillawn cu tuikhuk umnakin bawlin,
leiko mun cu ciktui in dimtik hi.
36 Ngilkialte mahlai munah umtikin,
a umnak haw tuk khuapi dingtik hi.
37 Lo ah anci pawi haw in huanah
sabit phut haw;
a let tampi in cawmleh haw hi.
38 Topa in, a mihingte cu
muicu pia in, canau tampi nei haw;
A nganhing haw vang kiamsuk awng ma hi.
39 Pathian i mihingte cu bawlsiatnak le
haksatnak a phunkim tuah
zotsakmi le sihpekmi a hih haw ten,
40 a bawlsiatute cu Topa in nemsukin,
lampi um ngawl phillawn ngamkhingah
vakvaitik hi.
41 Mahnaven mi nuncimte cu
a haksatnak haw pepanin;
A innkua haw cu tuuhon bangin,
pungtik hi.
42 Mahmi cu midik ten amuh haw ten
lungdam haw hi;
Mahnaven mipha ngawlte cu
awn ngawlin dap khipkhep haw hi.
43 Micip ten hi thil hi ngaisung pha haw hen;
Topa i ihnak cangkim cu
thei ciang haw hen.