17
1 Lemdun ngawlnak innah puai an sim sangin, thindaino in cak minsa khal khat eih pha saw hi.
2 A cipmi sila cu a bawipa i capa mantak ngawl humah thuneihnak ngahin, a lo le lam khenkhat co bok tuk hi.
3 Sui le ngun cu mei tuah khingkhai bangin mihing tei lungmu cu Pathian in khingkhai hi.
4 Mipha ngawl ten ngaihsutnak pha ngawl zui in, zolthu sontu ten zolthu ngai haw hi.
5 Mi zawngte na zawnsak tale semsuahtu Pathian zawnsak ci, mi i kamsiat tawh ten, na ang ahi tale dantat tawk tuk ci.
6 Miteek tei bawi lukhu cu a tu le cate hi. Ca tei sunloihnak cu nu le pate hi.
7 Upat tak miten zolthu son haw ma hi, mahten misil ten hun lemcang ten hilh le son tuk thei haw ma hi.
8 Mi khenkhat ten nawhthuh cu mitzial bangin nadek thei tuk hi tin ngaisungin, ihempoh bawl theih hi tin muang haw hi.
9 Miten nangmah deih le laina tuk na deih ahi tale, a sual haw ten ngaidamin, sualnak cin lelengnakin ngualcam khen thei hi.
10 Misil vei za khat vaatin thu na hilh sangin micip vei khat na liatnakin tam saw hilh hi.
11 Haksatnak le siatnak a suaktik lelengtu mipha ngawl tei lakah kamtai bangin thihnak cu heng tuk hi.
12 A ca lonsakmi vompi tawhkhak cu misil buai li tawh sangin pha saw deuh hi.
13 Phatnak khi phat ngawlnak tuah a lultu cu phat ngawlnakin, a inn pen taisan tukma hi.
14 Hauhdun pattung cu tuikuang mawk keh tungno bang hi, sualdunnak a um laihngawlin cawlin hi.
15 Sualnak nei ngawlte mawhsiat le mipha ngawlte phat cotik tihmi pa nih cu Topa i huatzawng hi.
16 Misil cih hilhnakin sum le pai tampi bo cu i nemcuam him? Itahim titale cip cuang tukma hi.
17 Ngualcam pha in itnak langtik leleng hi, haksatnak bawmdun ma tale u le nau hihnak i him a nemcuam?
18 Ngaihsutnak nei ngawl misil bekin midang tei leiba ca in thu tiamnak bawl hi.
19 Sualnak deih cu haksat bawl nuam hi. Na uangkho li tale haksatnak a zawm tuah bangten hi.
20 Lungmu pha ngawl cu a lampi tuang thei ma hi, zolthu son mi lei cu siatnak sungah caak hi.
21 Capa silin khua ngaihnak tawktik hi, capa sil neitu cu lungdamnak umma hi.
22 Lungdamnak lungmu neih cu sii phabel hi, lungmu haksatnakin nguh kotik hi.
23 Thu khentu tei sualnak cu, nawhthuh la in thu a manin khen haw ma hi.
24 Micip ten na pha deh tuk thei haw hi, mahnaven misil tei lungmu cu hawmhol hi.
25 Capa silin, a pai thin haknak hengtik a, a nui lungmu haknak hengtik hi.
26 Sualnak nei ngawl dantat piak cu man ma hi. Miphate vah cu sia saw deuh hi.
27 Micip ten kamtam haw ma, mengdenno in, a umtu cu thudik mutute haw hi.
28 Misil hei in mengdenno in, a um tale, micip bangin ngaihsut hi.