16
1 Mihing ten mai deihnak bangin khuakhannak tampi nei tuk naven a tawpnak thuneitu cu Pathian hi.
2 Na bawlmi hempoh cu a pha ngeh hengin ngaisung tuk ci. Mahnaven Topa in, na lungmu zo hi.
3 Na deh na bawlnak hempoh cu Topa i lakah apin, na khuakhannak lawhting tuk ci.
4 Topa in, na hempoh hi tawpnak nei in bawl hi. Mah bangin mipha ngawl tei tawpnak cu siatnak hi.
5 Topa in mipual le ngilote cu hua hi. Mah mite cu dantatnak pen luat haw tukma hi.
6 Pathian nelah dikcang le muantakin umin, na sualnak ngaihdam hi tuk hi. Topa i thu ngai in, na humah siatnak heng tukma hi.
7 Topa cu lungdamtik inna, ngalte hei na ngualcamin bawl thei tuk ci.
8 Thuman ngawlnak tuah tangka tampi neih sangin thumannak tuah tha lawhmi tangka demno neih pha saw hi.
9 Na hawhnak tuk lampi ca in thu tampi ngaisung tuk ci, mahnaven na kalsuan thuneitu cu Topa hi.
10 Kumpi in Pathian i hu le thawm tuah thukhen hi. Ama thukhennak cu man hi.
11 Cuai tehnak hempoh Pathian in, a manno bawl tuk deih hi. Zuakmi na hempoh vang phano in bawl tuk deih hi.
12 Phat ngawlnak bawl cu kumpi in deihma hi. Itahim titale uknak khotiktu cu diknak hi.
13 Kumpi in thudik thei nuam hi. Thudik sontu cu mitmai pha pia tuk hi.
14 Micipin kumpi lungdamtik tukin tiam hi. Kumpi a thinuk tale pa kha khat thi kha tuk hi.
15 Kumpi mitmai a phat ten nunnak um hi. A hehpihnak cu khaal nguah puatu meingo nim bang hi.
16 Cihnak le theihtup thiamnak neih cu sui le ngun neih sangin a manpha saw hi.
17 Mipha ten a pha ngawl pelh theihnak lampi zui haw hi. Mai hawhnak tuk lampi a zo cangciantu cu a nunnak pan thei tuk hi.
18 Uangkhonakin siatnakah, le tuangkhawnnakin kiamsuknakah henpih hi.
19 Mi ca-ngahte tuah niamkhiatno um cu, mi pualthaute tuah ngal tei van lonsak mi sem sangin pha saw hi.
20 Hilhnak phano in ngai in, nemcuamnak ngah tuk ci. Topa muang inna, na lungdam tuk ci.
21 Lungmu cip mite cu i abang khenkhuai theitu hi. Awnkam humin mi leem thei hi.
22 Micip tei ca in cihnak cu nunnak ciktui hi. Mahnaven misil cip tuk hilh tum cu hun bo thong hi.
23 Micip ten ot laih ngawlin ngaisung haw, mah hangin a hilhmi thu mual nei hi.
24 Hehpihnak awnkam cu khuaitui bang hi. Kam sungah humin damnak ca pha hi.
25 Lamdik hi tin na ngaihsutmi cu thihnak hen pihtu lampi na hi kha theih hi.Ref 16:25 Thup 14:12;
26 Nadektu cu a an eih ukin, an khammi a hih theihnak tukin zuam zetin nadek hi.
27 Mipha ngawl ten midang haksat piak tuk lam zei haw hi. A awnkam haw cu mi kang thei hi.
28 Mipha ngawl ten mi sonsiatnak pungtikin, haksatnak suaktik haw hi. Ngualcam pha hei khenduntik haw hi.
29 Tualsia ten a ngualcamte zolin haksatnakah henpih haw hi.
30 Mite mit-eh zawzoktu le muk puah litu khi ngallingin hi. Itahim titale phat ngawlnak ngaisungtute na hi haw hi.
31 Khansaunak cu mi pha tei laksawng hi, puakpak cu sunloihnak lukhuh hi.
32 Thinsaunak cu thangilnak sangin pha saw, mah le mah ukdun theihnak cu khuapi uk theihnak sangin pha saw hi.
33 Pathian tuptahmi thei nuamin kungkhai haw hi. Mahnaven a thu tulmi cu Pathian khuakhannak hi.