5
Pathian Tuuhon
1 Pawlpi upavang hi bok ing a, Khrih i thuaknak a mutu le a lang tuk laihmi sunloihnak co boktu tuk keimah in pawlpi upa tei lakah hehpih kun ing.
2 Pathian i piakmi tuuhon cingtu hi un; Phu thathahin, a cingtu hi ngawlin Pathian i itnak bangin, lungtho zetin cingtu hi un. Na nadeh uhten thaman ngah nuam hangin dek hi ngawlin itnak tatak tuah dek saw un hi.Ref 5:2 Jn 21:15-17;
3 Nangmu cinkhawi tukin a koihmi tuuhon cu a ukin, uk saw ngawlin amu zohtehtak tukin nung saw un hi.
4 Mahten Tuucing Bawibel a lang ten a vaknak a kiam thei awng ngawlmi sunloihnak lukhu sunglawi cu ngah tuk uh ci.
5 Mahtibang bokin noh khangnote nangmuh sangin kum upa saw tei thu khi ngai tuk uh ci. Na venghawng uhin niamkhiatnak tuah thuam unna, pa khat le pa khat bawmdun un. Itahim titale Lai Thiangtho in, “Mi tuangkhawngte cu Pathian in do in, mi niamkhiatte cu mitmai pha pia,” ti hi.Ref 5:5 Thup 3:34;
6 Mah hangin a ngilmi Pathian i khut nuai ah niamkhiat zetin um unna, amah in, a hunkim hi a tih ten khaisangleh tuk hi.Ref 5:6 Mt 23:12; Lk 14:11; 18:14;
7 Na vansannak hempoh uh cu Ama lakah koih un, itahim titale amah cu nangmu ca in, ngaihsut saktu hi.
8 Cingcaizet le ngalling zetin um un! Na ngalpa uh Dawihmangpa cu mat tuk zei in, a thum limi kiosa bangin vak kawkawi li hi.
9 Na upnak uhah khohzet unna, dawihmangpa cu do un; itahim titale leihum khua hempoh a ummi thu umtute vang hiti bang haksatnakte thuak bok haw hi tih khi thei uh ci.
10 Mahten hun comno sung na thuak celh uhten hehpihnak tuah a dimmi Pathian in Khrih tuah na pehzomnak uh hangin kumkhua sunloihnak co bok tukin a samtu Pathian amah loli in cangkimtikin khohkhahnak le thangilnak pia tuk hi.
11 Ama humah huham cu kumkhua in kho tahen. Amen.
Thukhupnak le Nuksatnak
12 Hi laikuat comno hi muantak Khristian unau tin ka ngaihsutmi Silas i bopnak tuah nangmu lakah ka ngatmi hi. Ka sosuah nuammi cu hi laikuat sung a ka ngatmi hi. Pathian i hehpihnak tatak hi tin, a thei ciangtu hi ing a, mah hehpihnak sungah kho zetin ding un hi.Ref 5:12 Nung 15:22, 40;
13 Pathian tenmi Babilond 5:13 Babilon: tihmi hi Mangmuhnak sung a ummi bangin ‘Rom khua’ a son nuammi hi. a ummi pawlpi unau pih ten nuksat haw hi. Ka capa Marka vangin nuksat bok hi.Ref 5:13 Nungzui 12:12, 25; 13:13; 15:37-39; Kol 4:10; File 24
14 Khristian itdunnakin, a thiangtho thutdunnak tuah pa khat le pa khat nuksatdun un hi.
Khrih ta ahi mi nohtei venghawng humah lemdaihnak um tahen.