2
A Hinnam Tenin Um Haw
1 Topa Pathian in Moses le Aaron lakah a nuailam bangin thupia hi.
2 Israel miten a ngiahbuk a sah haw ten, kuakua hei in amu hinnam tenah le amu alan nuai tenah um haw hen. A ngiahbuk haw cu Topa i umnak Puanbuk elkimah sa haw tuk hi, tin ti hi.
3-9 Nisuahnak lamah Judah i alan nuaiah a nuailam bangin a hotu tek tuah ahon, ahonin um haw hen.
\pn Judah \pn* hinnam pen Amminadab capa Nahshon i puimi, thawng sawm salih le thawng li le za luk haw hi.
\pn Issakhar \pn* hinnam pen Zuar capa Nethanel i pui mite cu thawng sawm nga le thawng li le za li haw hi.
\pn Zebulun \pn* hinnam pen Helon capa Eliab i pui mite cu thawng sawm nga le thawng salih le za li haw hi. A venghawngin thawng za khat le thawng sawm liat le thawng luk le za li haw hi. Judah alan nuai a, ummi cu masabelin hawh haw hen hi.
10-16 Hanglam a, Reuben i alan nuaiah a nuailam bangin a mi puitu tek tuah ahon, ahonin um haw hen hi.
\pn Reuben \pn*hin pen Shedure capa Elizur puimi, thawng sawm li thawng luk le za nga haw hi.
\pn Simeon \pn* hinnam pen Zurishaddai capa Shelumiel puinakin, thawng sawm nga le thawng kua le za thum haw hi.
\pn Gad \pn* hinnam pen Deuel capa Eliasaf puinakin, thawng sawm li le thawng nga le za luk le sawm nga haw hi. A venghawng haw in thawng za khat le thawng sawm nga le thawng khat le za li le sawm nga haw hi. Reuben alan nuai a, ummi cu a pa nihnakin hawh haw hen hi.
17 a masa hon nih le a nung a, hon nih tei laklawhah Puanbuk a puatu Levi mite hawh haw tuk hi. Mahtin bangin ahon, ahonin, a hawhtu Israel mite cu amu alan nuaiah, a camnak haw a, umdan bang lengin a hawh haw tuk hi.
18-24 Nitumnak lamah Efraim i alan nuaiah a nuailam bangin amuh puitu tek tuah ahon, ahonin um haw hen hi.
\pn Efraim \pn* hinnam pen Ammihud capa Elishama ho in, thawng sawm li le za nga haw hi.
\pn Manasseh \pn* hinnam pen Pedahzur capa Gamaliel ho in, thawng sawm thum le thawng nih le za nih haw hi.
\pn Benjamin \pn* hinnam pen Gideon i capa Abidan ho in, thawng sawm thum le thawng nga le za li haw hi. A venghawng haw in thawng za khat le thawng liat le za khat haw hi. Efraim alan nuai a ummi cu a pa thumnakin hawh haw tuk hi.
25-31 Saklam pen Dan i alan nuaiah a nuai lam bangin amu puitu tek tuah ahon ahonin um haw hen hi:
\pn Dan \pn* hinnam pen Ammishaddai capa Ahiezer ho in, thawng sawm luk le thawng nih le za salih haw hi.
\pn Asher \pn* hinnam pen Okhran capa Pagiel ho in, thawng sawm li le thawng khat le za nga haw hi.
\pn Naftali \pn* hinnam pen Enan capa Ahira ho in, thawng sawm nga le thawng thum le za li haw hi. A venghawng haw in thawng za khat thawng sawm nga thawng sa lih le za luk haw hi. Dan i alan nuai umte cu nungdawlbelin hawh haw hen hi.
32 Ahon, ahonin pui mi Israel mite cu a venghawngin, thawng za luk le thawng thum le za nga le sawm nga haw hi.
33 Mahnaven Moses lakah, Topa i thupiak bangin Israel tei lak pen Levi hin cu sialcih hi haw ma hi.
34 Mah hangin Topa in Moses lakah thu a piakmi bangin Israel miten bawl khawng haw hi. A ngiah haw hei ten amu alan nuai tenah camin, a hawh haw hei ten amu hinnam tenin hawh haw hi.