MIPUM SIALNAK
(Numbers)
Thulamsial
Mipum sialnak laibu hi Israel mite le Sinai Mual kal pen, Pathian i tepmi ngam nisuahnak ngamngi a hen haw tian kum sawm li laih a vahvaihnak haw tangthu hi. A laibu min hi Sinai Mual pen a tul haw laih ngawl a Moses i mipum a sialnak le mah nung khang khat ngei ten Jordan nisuahnak Moab ngam a mipum a sialnak haw thu le la lakin, sakmi min hi. Hi mipum sialnak vei nih lak lawhah Israel mite cu Kanaan ngam hanglam Kadesh Barnea ah heng haw hi. Mahlai pen tepmi ngamah tum tukin ngaisung haw naven lawhting haw ma hi. Mahlai elkimah kum tampi a um nung haw ten Jordan ngun ngalkhat mual pheikham pi lamah hawh haw hi. Mah laih mun pen a khenkhatte cu ngun kaltanin, Kanaan ngamah tum tukin tuangtim haw hi. Mahnaven a khenkhatte cu mahlai munah khua satcihnom haw hi.
Mipum sialnak laibu hi haksatnak tawh ten lau le thinsu in, a lung haw bingmekin, amuh puitu tukin Pathian i tenmi Moses le Pathian a langpang mektu hinnam tei thu le la ngatmi hi. Hihi a minamte thanemin, a thu ngai ngawl mekin, a um haw hei in muantak le thinsau in, a mihingte a cingkhawitu Pathian i tangthu le a thincom mek naven lungkho zetin Pathian le a hinnam lakah pum a piatu Moses i tangthu hi.
1
Mipum Sialnak Masabel
1 Israel mite Izipt ngam pen a tul nung haw kum nihnak, a ha nihnak ni masabel ni-in, Sinai Phillawn a, ummi Pathian umnak Puanbuk sungah Topa in, Moses lakah thu hilh hi.Ref 1:1-46 Mipum 26:1-51
2 “Nangmah le Aaron in Israel mite cu a hinnam tek le a innkua tek haw in mipum na sial un hi.
3 Kum sawm nih le a humlam pano, ngalkap a dek thei tuk hempoh cu a min cazin la un.
4 A bawmtu tukin hinnam khat pen a puitu haw tek zawm un.”
5 Mah a puitute cu a nuailam bangin hi.
\pn Reuben \pn* hinnam pen Sledure capa Elizur.
6 \pn Simeon \pn* hinnam sung pen Zurishaddai capa Shelumiel.
7 \pn Judah \pn* hinnam sung pen Amminadab capa Nahshon.
8 \pn Issakhar \pn* hinnam sung pen Zuar capa Nethanel.
9 \pn Zebulun \pn* hinnam sung pen Helon capa Eliab.
10 \pn Josef capate, Efraim \pn* hinnam sung pen Ammihud capa Elishama le
\pn Manasseh \pn* hinnam sung pen Pedahzur capa Gamaliel.
11 \pn Benjamin \pn* hinnam sung pen Gideon i capa Abidan.
12 \pn Dan \pn* hinnam sung pen Ammishaddai capa Ahiezer.
13 \pn Asher \pn* hinnam sung pen Okran capa Pagiel.
14 \pn Gad \pn* hinnam sung pen Deuel capa Eliasaf.
15 \pn Naftali \pn* hinnam sung pen Enan capa Ahira haw hi.
16 Hite hi mipi sung pen a ten haw, amu hin tek pen Israel hinnam i puitute haw hi.
17 Moses le Aaron ten a hum a, puitu sawm le pa nih cu
18 ha nihnak, ni masabel ni-in, kum sawm nih humlam siah, a innkua a innkua le a hinnam tekin munkhatah hulawmin sam khawm hi.
19 Topa i thupiak bangin, Sinai Phillawnah mipi tei mipum cazin la khawng hi.
20-46 Kum sawm nih hum siah pano hempoh cu a innkua, innkua le a hinnam tek haw in ngaldo tukin a hawh thei tuk cu Jakob i capa upabel Reuben casuan pepan mipum cazin cu a nuailam bangin la hi.
\pn Reuben \pn* hinnam pen thawng sawm li thawng luk le za nga.
\pn Simeon \pn* hinnam pen thawng sawm nga thawng kuah le za thum.
\pn Gad \pn* hinnam pen thawng sawm li le thawng nga le za luk le sawm nga.
\pn Judah \pn* hinnam pen thawng sawm salih thawng li le za luk.
\pn Issakhar \pn* hinnam pen thawng sawm nga le thawng li le za li.
\pn Zebulun \pn* hinnam pen thawng sawm nga le thawng salih le za li.
\pn Efraim \pn* hinnam pen thawng sawm li le za nga.
\pn Manasseh \pn* hinnam pen thawng sawm thum le thawng nih le za nih.
\pn Benjamin \pn* hinnam pen thawng sawm thum le thawng nga le za li.
\pn Dan \pn* hinnam pen thawng sawm luk le thawng nih le za salih.
\pn Asher \pn* hinnam pen thawng sawm li le thawng khat le za nga.
\pn Naftali \pn* hinnam pen thawng sawm nga le thawng thum le za li haw hi.
Kum sawm nih hum siah Israel mipi a innkua, innkua le a hinnam tek sung haw pen ngaldo thei tuk pano a venghawngin thawng za luk, thawng thum le za nga le sawm nga kim haw hi.Ref 1:21-46 Mipum 26:1-51
47 Levi mite cu mipum sialnakah hindang tuah sialcih haw ma hi.
48 Itahim titale Topa in Moses lakah,
49 “Israel mite ngaldo tukin mipum na sial ten Levi hinnam cu sialkha pahsun tih a hilh zo hangin hi.
50 Mah a hih ten Levi mite cu Puanbuk le a sung a, ummi na kemtu in koihin hi. Amuh ten Puanbuk le a na hempoh pua in, dek haw tuk a, Puanbuk elkimah ngiahbuk sam pepel haw tuk hi.
51 Ngiahbuk na thawn uhten levi miten Puanbuk cu phe haw tuk a, a sakleh hun ten vang amuh lengin saleh haw tuk hi. Akua hei hihen mah Puanbuk elah a hung haw tale thah hi tuk hi.
52 Israel miten a hon ahonin ngiahbuk sa haw tuk a, amu hinnam tekin amu alan nuaiah sa haw tuk hi.
53 Mahnaven Israel mihon tei humah ka thinuknak a hen ngawlnak tukin Levi miten Puanbuk sa haw tuk a, amuh bekin Puanbuk cingkem haw tuk hi.”
54 Mah hangin Israel miten Topa i thupiak bangin bawl khawng haw hi.