11
Taberah Tihmi Mun
1 Israel mite haksatnak a thuak haw hangin Topa i humah phu haw hi. Topa in mah thu a zak ten a thinukzet hangin a hum hawah mei alh khiasukin, a ngiahnak haw ning khat kang hi.
2 Mipi ten Moses lakah bopnak ngenin au haw hi. Moses in Topa i lakah thungenin mei cu mitleh hi.
3 Mah hangin mahlai mun cu Taberahnote 11:3 Taberah tih cu Hebru awn hi, Mei-alh tihnak hi. tin sam haw hi. Itahim titale Topa i mei cu a lak hawah a alh hangin hi.
Moses In Puitu Sawm Salih Teng
4 Israel tei lak a, ngamdangmi khenkhat ten cikdun nuamzet haw hi. Amuh Israel mi lala vang phuciakin, “Cik piatu kuamah um haw ma maw?
5 Izipt ngamah ngasa thawn thongin ngah hung. A eih mek uhmi cangmaite, kawl cangmaite, mual pulunte, pulun san bul tak le lasunte ngai in, um leleng hung.
6 Mahnaven atu-in, a ko in, ko hung hi. Eih tuk imah umma, ni khat nung, ni khat manna bebek, manna bebek,” ti haw hi.
7 Manna cu anci neuno bang hi, a pianzia cu ngo thi thim, aile thi thim hi.Ref 11:7-8 Suah 16:31;
8 Mah manna cu Israel mipi ten cawmkhawm haw a, ngialvamin, sumah deng vam cengin a huan nung haw ten cangho phengin bawl haw hi.
9 Manna cu a ngiahnak mun hawah zan dai a tak ten cak bok hi.Ref 11:9 Suah 16:13-15;
10 Mipi a ngiahbuk haw kongka tenah dingin, a phuk lih haw cu Moses in za hi. Moses cu a lungnop viang ma hi, itahim titale Topa cu a hum hawah a thinukzet hangin hi.
11 Topa i lakah, “Ita na salpa kei hi, hi tibang lawlawmin, na bawlsiat? Ita na maipha co thei ma kam ing? Ita hi mihingte cingkhawi tuk bawmngit ka humah hengtik cim?
12 Hi mihingte hingtu hi mang, a semsuahtu hei hi kha mang hi. Nau awhtu in nauno cu a baanah, a cawi leleng bangin ita hi mihingte hi a pu le pa tei lakah na tepsa mi ngam cawitik nge cim?
13 Mihing hizah ca tukin cik cu ilai pen ngah ceng tung kaw? Catngawl kio le au in cik ngen leleng haw si.
14 Ciangno in hilh ing hi; mihing hi tizah ca in keimah bekin dehvo la ceng tuk mang hei. Ka vanngit leita hi.
15 Hi bang leleng tuk ahi tale, kei na bawlsiatnak pen ka suahcak theihnak tukin hehpihnakin kei hi that saw le ci,” tin ngen hi.
16 Topa in Moses lakah, “Mipi lak pen muanhuai puitu tuk sawm salih samkhawmin, ka umnak puanbukah hunpih inna, na elah ding haw hen.
17 Hung tung a, nangmah tuah otpihdunin, ka piaksa mi Hawvang cu na lak pen a khenkhat la tung a, amu lakah pia tung hi. Hi mipi cinkhawinak vanngit cu dawn haw tuk a, nangmah bekin pua tukma toh ci.
18 Atu-in mipi cu hilhin, ‘Zingte ca tukin thiangtho ham un; cik eih tuk ngah tuk toh uh ci. Na kahnak uh le cik duhnapin, na ngetnak uh le, Izipt ngamah cik khamzet nave ung, tin na tihnak uhte cu Topa in za zo hi. Atu-in Topa in cik pia tuk a, cik eih pha nei tuk toh uh ci.
19 Cik eih tuk cu ni khat, ni nih, ni nga, ni sawm, ahimata ni sawm nih sung bek hi ngawlin,
20 ciat zetin, na luak uh suak tian, ha khat sung pikpek ei tuk uh ci. Itahim titale Topa Pathian cu lawlin, a theih cilcelin Izipt ngam pen tul tuk hi ma nave hung, tin na phuk lih uh hangin hi,’ tin hilhin hi,” ti hi.
21 Moses in Topa i lakah, “Hilaiah ka pui mi, mipi hi thawng za luk haw hi. Ha khat sung a khamtham haw tukin cik pia tung hi ti cim?
22 Khui le tuu a kham tham haw in ngawh ceng hi tuk maw? Tuipi sung a, ngasa hempoh hei kham haw ni maw?” tin ti hi.
23 Topa in, “Ka thawm le ka ngilnakin bawl theih ngawlmi nei maw? Ka otmi bangin ahi ngangai le hi ngangai ngawl cu a ngei ngawlin mu tuk poh ci,” tin Moses cu ti hi.
24 Moses cu tulin Topa i hilhmite cu mipi tei lakah hilh hi. Puitu sawm salih cu Puanbuk elkimah khawmtik hi.
25 Topa cu meingo sung pen hungin, Moses lakah thu hilh hi. Moses lakah a piak zo mi Hawvang khenkhat cu la in, puitu sawm salih tei lakah pia hi. A lak hawah hawvang a hen bek ten profet bangin phu in, awn tawtok haw hi. Mahnaven mahmi a ngei um ngawlin pailehta hi.
26 Puitu sawm salih lakah a telbokmi Eldad le Medad, pa nihte cu Puanbukah hawh ngawlin a ngiahnakah um haw hi. Mah a ngiahbuk hawah a lak haw a, hawvang hangin thakhatin profet bangin phu in awn haw hi.
27 Eldad le Medad um daan cu tangval pa khatin mu in, tai in Moses lakah hilh hi.
28 A khangno laih pepan Moses bawm lelengtu Nun i capa Joshua in Moses lakah, “Sazapa, mah tei pa nih cu khamin,” ti hi.
29 Moses in, “Keimah hawza a cim? Aw, Topa in, a mihing tei humah a hawvang cu hengtikin, profet bangin a venghawng haw in, a awn khawng haw ahin awi sing!” tin ti hi.
30 Mahnung ten Moses le Israel puitu sawm salih cu a ngiahnakah pin haw hi.
Topa In Vaniimte Tultik
31 Topa in huih theutik poh le, tha khak thu in, tuipi lam pen vaniim cu mah huihin, lei pen pi thum sangin theu pih hi; a ngiahnak haw pen nisuahnak lam, nitumnak lam, saklam, hanglam ni khat hen bat sung hempoh cu tong nih sahin, vaniim nguak cang dim hi.
32 Mah hangin mipi mah ni sun pen a zingsun tian man haw hi. Mi pa khatin seu sawm nga sangin, dem saw khul um haw ma. A ngiahnak kimkotah ko tukin pho haw hi.
33 Mah vaniim cik a bo laih ngawlin le eih tuk tampi a neih haw laihin, mipi humah Topa cu a thinukin, a lak hawah pulhnat hengtik hi.
34 Mah laih mun cu Kibroth Hatavah tin sam haw hi. A tih nuammi cu “Duhnahnak Khan” tihnak hi. Itahim titale cik duhnapzettu mi tampi cu mah laihah thi in, a vui haw hangin hi.
35 Mahlai pen mipi cu tulin Hazeroth a tih haw mi ah heng haw in, mah laihah ngiahbuk sam haw hi.