NEHEMIAH
Laibu
(The Book of Nehemiah)
Thulamsial
Nehemiah Laibu hi khen li in khen theih hi.
1. Persia kumpi i hahmi Nehemiah Jerusalem ah a kihlehnak thu.
2. Jerusalem khuapi kulhtian a tian lehnak haw thu.
3. Ezra in thupi zetin Pathian i Daan a sialnak le a mihing ten a sual a phuannak haw thu.
4. Judah ngam uk bawi Nehemiah i nadehmi dangte.
Hih laibu sung a, sialsiah tak ummi pa khat cu Nehemiah in tihtak zetin Pathian a muannak le a thunget lihnak thu hi.
1
1 Hakaliah i capa Nehemiah i deh suahmi tangthu cu hiti hin hi. Artakzaksis Kumpi a deh kum sawm nihnak, Kislev ha in, keimah Nehemiah cu Susanote 1:1 Susa khuapi cu Shushan tih hei in sam haw a, Persia i khuapi hi. khuapi ah um ing.Ref 1:1 Ezr 4:7-11; 7:1;
2 Mahlai in ka unaupih pa khat Hanani cu a ngualcampih dangte tuah Judah ngam pen heng haw; mahten Babilon ngam saltannak pen Jerusalem a kik Judah tei cungcang dong ing.
3 Mahti bangin ka dot ten, saltannak pen suakin, a khua le a ngam hawah a heng mite cu haksatnak tampi tawkin, a elkim haw a, um miphun dang ten zawnsak haw hi tih thu hilh haw hi. Jerusalem kulhtiante cu cim khawngin, a haal khawng ceng haw ten kongkate bawlleh haw ma laih hi, tihte vang hilh haw hi.
4 Mah thu ka zak khawng ten khungin kap ing.
Ni tampi sung khawngai in, ancang ing. Pathian nelah thungen ing a,
5 “Maw, Topa, Van a Pathian! Nang cu maksanmi hi ci, kihca ngangai ung. Nang cu a ngeng zetmi hi ci a, nangmah a ittu le na thupiakmi a zuitu tei humah, na thutep cu kimtik leleng ci.
6 Maw ka Topa, na mit tuah hu zo inna, Israel mi na sila tei ca in sun le zan thu ka ngetnak hi ngai sak zalin hi. Na humah Israel mite cu sual ngangai zo ung, mah ka sualnak uh cu phuang ing. Ka pu le pa uhte sual haw in keimah vang sual ing.
7 Pha ngawl zetin le mawingawl zetin, na mai ah nung zo ung. Na thupiakmi bawl ngawlin, na sila Moses lak pen na piakmi Daante cu zui ma ung.
8 Moses lakah, ‘Noh Israel mite muantak ngawl na hi uh tale ngamdang le miphun dang tei lakah khen khek khawng tung hi.Ref 1:8 Thiam 26:33;
9 Mahnaven ka lakah kiklehin, ka thupiakmi na zui uh tale, vanhaang nuai a tawp tian khen khek khawngmi na hi uh vangin, keimah na biaknak tukin ka tensa mi munah kiktikleh tung,’ tin na tihmi phawklengin hi.”Ref 1:9 Daan 30:1-5;
10 “Maw, Topa, hi mihingte hi na sila, nangma mihingte haw hi. Na baantha ngil le na huham tuah na patsuah mite haw hi.
11 Kei ka thungetnak le na min upat a nuamtu na sila dang tei thungetnak hi hu ngai zalin hi. Tuni in, lawhtingtik zal inna, kumpi Topa cu ka humah hehpihnak neitik zalin,” ti ing.
Mah ni-in kei cu kumpi pa i sabittui piatu ing.