10
Miphun Dang Tuah Huaidunnak Cawl Haw
1 Ezra cu kapthahin le sual phuangin, Biakinn mai ah thu a nget lih laihin, Israel mipi cu a lakah pano, numei le naupang tian hungin nase zetin kap haw hi.
2 Elam hinnam, Jehiel i capa Shekaniah in Ezra lakah, “Miphun dang numeite huai in Pathian mai ah muantakin umleh ma toh hung. Mahnaven Israel tei ca in muansannak umlaih hi.
3 Tu pepan hi numeite le a canaute cu hawlvawk tukin Pathian nelah thutiam tuk hung. Nangmah le Pathian thupiakmi a upattu tei hilh bangin dek tuk hung. Pathian i piakmi Daan bangin zui tuk hung.
4 Tho inna, pan tohin; hihi cu nangma dehvo hi, bawm tuk ung hi. Ngalpha zetin bawlin,” ti hi.
5 Ezra in Shekaniah i hilh bangin bawl khawng tukin thiampi upate, Levi mite le, mipite cu tamsiatnak tuah thutiamtik hi.
6 Mahnung ten Biakinn mai ah hawhin, Eliashib i capa Jehohanan umnak innah mah zan cu cam hi. Saltannak pen a kikmi tei sualnakte ngaisungin thasia zetin imah ei le in ngawlin um hi.
7 Saltannak pen a kikmi hempoh Jerusalem ah khawmdun khawng tukin Jerusalem le Judah ngamsung khua tihkimah thuthan hi.
8 Mahmi cu uktute le mipi hotu tei thupiak bangin thatmi hi. Akua hei hi tahen ni thum sungin a tul ngawlmi cu a thil hempoh lonsak khawng hi tuk a, a kikmi tei lakah telh hi haw tukma toh, ti haw hi.
9 Ni thum sung, ha kuah ha, ni sawm nih ni-in, Judah le Benjamin ngam sungah a um hempoh cu Jerusalem ah hungin, Biakinn tualah khawmdun haw hi. Nguahzu tawtok hi. Mahtibang khua hun pha ngawlin a um hangin le a tawhdunnak haw a thupi hangin mi hempoh cu caantetek khawng haw hi.
10 Thiampi Ezra cu tho in, a lak hawah, “Miphun dang numei zi huai in, Israel sualnak cu khang dedeuhtik uh ci.
11 Atu-in, na pu le pa uh i Pathian, Topa i lakah na sualnak uh cu phuang unna, ama lungdamnak tuk bawl un. A ngamsung uh a um miphun dangte tuah cokheldun ngawlin a dangno in um unna, miphun dang na zi uhte cu hawlvawk khawng un,” ti hi.
12 Mipite cu au in, “Na hilhmi hempoh bawl tuk ung.
13 Mahnaven mihing tam leita ung, nguahzu tawtok sih hi. Pualeu ah hiti bangin ding ceng tukma ung. Hi sualnakah a kuakua vang tel khawng ka hih uh hangin ni khat ni nih sungin celh theih tukmi hi kha ma hi.
14 Keimuh hotu upa ten ka venghawng uh ai-in hi thu cu vaihawm haw hen. Ka khua uh tek pen miphun dang zi a puitu hempoh cu a ciangtan haw mi hun ten a khua sung haw a, hotu le thukhentute tuah hung haw hen. Hi sualnak hangin ka hum uh a Pathian thinuknak cu nemcuam tuk hi,” ti haw hi.
15 Mahti bangin a tih haw mi a eltu Asahel i capa Jonathan le Tikvah i capa Jahzeiahte bek hi, a pa nih haw lakah Meshullam le Levi mi Shabbethai vang tang bok haw hi.
16 Saltannak pen a kikmite a lung haw a kim hangin thiampi Ezra in amu hinnam tek pen a hotu tei sung pen mi tengin a min haw ngan khawng haw hi. A nadeh haw cu ha sawm ha, ni khat ni-in, pan haw a,
17 ha thum sungin miphun dang zi a puitu tei thu cu dongkan khawng haw hi.
Miphun Dang Zi Huaitute
18 Miphun dang zi huaitute cu a nuailam bangin hi.
Jehozadak capa Joshua hinnam le a unaute: Maaseiah, Eliezer Jarib le Gedaliah.
19 A zi haw hawlvawk tukin thutiam bawl haw in sualhah biakpiaknak tukin tuucang pa khat pia haw hi.
20 Immer hinnam pen: Hanani le Zebadiah.
21 Harim hinnam pen: Maaseiah, Elijah, Shemaiah, Jehiel le Uzziah.
22 Pashhur hinnam pen: Elioenai, Maaseiah, Ishmael, Nethanel, Jozabad le Elasah.
23 Levi mi sung pen:
Jozabad, Shimei, Kelaiah, (Kelita tih vangin sam mi) Pethahiah, Judah le Eliezer.
24 Lasatu tei lak pen:
Eliashib.
Shallum, Telem, le Uri.
25 Mi dadang:
Parosh hinnam pen: Ramiah, Izziah, Malkhijah, Mijamin, Eleazar, Malkhijah le Benaiah.
26 Elam hinnam pen: Mattaniah, Zekhariah, Jehiel, Abdi, Jeremoth, le Elijah.
27 Zattu hinnam pen: Elioenai, Eliashib, Mattaniah, Jeremoth, Zabad le Aziza.
28 Bebai hinnam pen: Jehohanan, Hananiah, Zabbai le Athlai.
29 Bani hinnam pen: Meshullam, Malluk, Adaiah, Jashub, Sheal le Jeremoth.
30 Pahath Moab hinnam pen: Adna, Khelal, Benaiah, Maaseiah, Mattaniah, Bezalel, Binnui le Manasseh.
31-32 Harim hinnam pen: Eliezer, Isshijah, Malkhijah, Shemaiah, Shimeon, Benjamin, Malluk le Shemariah.
33 Hashum hinnam pen: Mattenai, Mattattah, Zabad, Elifelet, Jeremai, Manasseh le Shimei.
34-37 Bani hinnam pen: Maadai, Amram, Uel, Benaiah, Bedeiah, Kheluhi, Vaniah, Meremoth, Eliashib, Mattaniah, Mattenai le Jaasu.
38-42 Binnui hinnam pen: Shimei, Shelemiah, Nathan, Adaiah, Makhnadebai, Shashai, Sharai, Azarel, Shelemiah, Shemariah, Shallum, Amariah le Josef.
43 Nebo hinnam pen: Jeiel, Mattithiah, Zabad, Zebina, Jaddai, Joel le Benaiah.
44 Hite cu miphun dang zi huaitute haw hi. A zi haw khenin, a canote tuah hawlvawk haw hi.