37
Zedekiah In Jeremiah Lak A Ngetnak
1 Babilon kumpi Nebuchadnezzar in, Jehoiakim i capa Jehoiakhin i ai-in, Josiah capa Zedekiah cu Judah kumpi in bawl hi.Ref 37:1 2Kum 24:17; 2Khang 36:10;
2 Mahnaven Zedekiah in hihen, a khutnuai a bawite le mipite hei in hihen, Topa in ka lakah a hilhmi thu cu ngai nuam haw ma hi.
3 Ka miphun uh ai-awhin, Topa a Pathian uh i lakah thungen tukin kumpi Zedekiah in Shelemiah i capa Jehukal le Maaseiah i capa thiampi Zephaniah cu ka lakah hah hi.
4 Mahlai in thawngkhia ma laih, luat zetin mipi tei lakah tual tel thei laih ing.
5 Babilon ngalkap ten Jerusalem kil khawng zo haw toh, mahnaven Izipt ngalkap ten Izipt ngam ngi kal zo haw toh tih a zak haw ten nungkikleh khawng haw hi.
6 Topa Israel i Pathian in,
7 Zedekiah hilh tukin hi bangin hilh hi. “Izipt ngalkapte cu nangmah bawm tukin hung li haw laih hi. Mahnaven amu ngamah kikleh haw tuk hi.
8 Babilon ngalkapte cu hengkikleh haw tuk a, Jerusalem khuapi hi doleh haw tuk, la haw tuk a, kangbelhin haal haw tuk hi.
9 Babilon mite hung haw tukma poh tin, a ngaisung tukin nangmah le mah zoldun li pahsun; Keimah, Topa in, ngallinnak pia ing, hung loli haw tuk hi.
10 Babilon ngalkap venghawng neh khawngin, maliamte bek tangin, a buk sungah sial khawng ahi haw hei in, tholeh khawngin hi khuapi cu a ziam belh laklawh mei tuah haal haw tuk hi.”
Jeremiah Thawngah Khia Haw
11 Izipt ngalkapte hung haw tih a zak haw ten, Babilon ngalkapte cu nunglamah kik haw hi.
12 Mah hangin keimah vang cu sangngam tei na co tuk ka neih bok hangin Benjamin ngamah a hawh tukin Jerusalem pen tul bok ing.
13 Mahnaven Benjamin kongka ka hen ten mahlai kongka cingtu ngalkapte uktu ngalbawi a min Irijah a tih haw mi Shelemiah i capa Hananiah casuanin khamin, “Babilon tei lakah taitum bang um sisi? tin dong hi.
14 “Imah tuk! Taitum kha mang,” tin donleh ing. Mahnaven Irijah in ka hilhmi cu ngai kha ma. Manin ngal bawi tei lakah hawhpih hi.
15 Amuh haw ten thinukin, vat haw a, cazi Jonathan i innah thawnginn a bawlmi inn sungah tawh kilhin zamsan haw hi.
16 Leinuai khansungah koih haw a, mahlai ah ngeipi um ing.
17 Mah nungten kumpi Zedekiah in samin, a innsung pen a kuhno in, “ Topa i lak pen i thu poh heng maw? tin dong.
“Heng hi, Babilon kumpipa i khut sungah piak hi tuk ci,” tin ti ing.
18 thudot tuk ka neih hangin a lakah, “Na khutnuai bawi le mipi humah i sualnak ka neih hangin kaw thawngah na khiak uh?
19 Babilon kumpipa in nangmah le hi ngam cu do tukma hi, tin, a hilhtu na profet cu ilai ah kaw a um khawng haw?
20 Atu-in, kumpipa, na lakah hehpih ngen ing hi, theih sak zal aw maw. Jonathan i inn, thawnginn sungah kuatleh kik zazal ma le ci. Na kuatleh ahi tale mahlai ah thi loli tung hi,” tin ti ing.
21 Mah hangin kumpipa Zedekiah in kumpi inncingtu tei umnak khansungah khumleh hi. Mahlai ah um ing a, khuapi sung a, cangho a bo laklawh a nisialin cangho zawl khat ngah leleng ing.