35
1-2 Job aw, nangin,
“Pathian mai ah
mawhnak nei mang,”
na tihmi hi dik hi tin
ngaisung cim?
3 “Ka sual ngawlnak hin
ikaw ka nemcuamnak um?
Ka sual bang ahin ka ca in
ikaw a nemcuam?” tin ti ci.
4 Nangmah hihen,
na ngualcamte hihen
keimah in, na thu uh
donleh tung.
5 Van zoto tehin!
Meingote zo hemin, n
angmah sangin
iti zahin sang saw haw kaw?
6 Na sual ahi hei in Pathian in
haksatnak pia ma hi.
Thil sual vei tampi na bawl li hei in
Pathian in a noksak hah
kha ma hi.Ref 35:6-8 Job 22:2-3;
7 Na dikcangnak hangin
Pathian bawm ing
tin maw na ngaihsut?
Na lak pen Pathian i kinmi
imah umma hi.
8 Na sualnak hangin a thuaktu cu
nangma ngualcam hi.
Na phatnak tuah na bopmi cu
amah leleng hi.
9 Mihing cu bawlsiatnak
a tawh haw ten huisa in
tau mek haw hi.
Nunpantu pa kha khat lakah
pantik tuk deihin,
ngenin au haw hi.
10 Mahnaven haksatnak hun
a hen ngangai ten amuhte
tha a piatu le semsuahtu
Pathian lamah hek nuam
haw ma hi.
11 Ngamsa le vanote sangin
cip saw deuhin, eimuhte
A semsuahtu, Pathian cu
zuan nuam hihim haw ma.
12 Bopnak deihin au in kap haw,
mi uangkho le mi ngilo
a hih haw hangin Pathian in
donleh ma hi;
13 A au lih haw man umma,
Ihempoh tithei Pathian in mu ma;
a za vang za ma hi.
14 Job aw, nangin Pathian mu mang ti ci.
Mahnaven thinsauzet ngakin,
na thu le la a mai ah heng hi.
15 Pathian i thinuknakin
mi bawlsia ma hi,
sualnak vang imah kinmawh ma hi
tin ngaisung ci.
16 A sullam um ngawlin hamtul
menmun thong ci,
na otlih mi i sullam ikaw
tih thei ma ci.