18
Bildad in:
1-2 Job, nangmah bang mihing hi,
mengden thei ma cim?
Ka thu uh ngai tukin cawl hih inna,
hilh hih bok ni ung.
3 Nganhing bangin a silin,
ngaisung ci,
itin kaw ngamsa bangin
na ngaihsut?
4 Na thinuk hangin thuak dedeuh ci,
nangmah i hangin leipi hi
phillawnin suak tuk maw?
Nangmah hangin mualte hi,
thawn haw ni maw?
5 Mipha ngawl tei mei-inn cu mit tuk hi,
A mei haw cu ituk mah hei ten
alhleh tukma toh.Ref 18:5-6 Job 21:17;
6 A puanbuk sung haw a mei-inn cu
mit tuk hi.
7 A ke kal haw khohzet naven atu-in,
a ke bai haw hi;
Amu ngaihsutnak hangin
lumthong hawta hei.
8 Suuk sungah hawhin,
a ke haw pen awk hi,
dup luatmi sungah cak haw hi.
9 Thangin, a ke cawk haw awkin,
luat ngawlin kolah tang haw hi.
10 Leihumah kepal thangsiah haw in,
a lampi hawah
thang siah haw hi.
11 A kimkotin mullinghuai ten pang haw,
a hawhnak haw hempoh ah
zui hi.
12 Mihau hi haw naven atu-in,
ngilkialin, a tha bo hi.
A el haw pen siatnakin pangin,
a lup haw tuk bek ngak hi.
13 A pumpicing haw in,
natsia thuakin,
a khut le kete muatzan khawng.
14 Lungmuang zetin,
a umnak haw
puanbuk sung pen
doktul vawk haw a,
Thihnak Kumpi tawk tukin
kai vawk haw hi.
15 Atu-in, akua hei in,
a puanbuk sungah um thei haw,
natsia umma toh hen,
tin kaat mei alh tuah haal haw hi.
16 A nuailam pen a zung thi in,
a humlam pen
a kakte thim haw hi.
17 A min haw cu a khua le
a ngam hawah,
ngamdang hei ah bothal hi;
Lampi ah kuamah in theileh
haw ma toh hi.
18 Mihing umnak leihum pen
hawlvawk hi haw tuk hi;
vaknak pen a thimnak sungah
hawlvawk tuk hi.
19 Cikhaih casuan
kuamah nei haw ma,
amu nungten a nungtu
umleh haw ma toh.
20 Nisuahnak pen nitumnak tian
mipi ten mah thu
a zak haw ten,
a thinsu in,
can tawtok haw hi.
21 Pathian a simsial ngawltute le
mipha ngawl tei tawhmi le
dinmun cu mahtibang hi.