17
1 Ka nunnak bo awndiak toh;
Hai hei hawh zoleh matoh ing.
Khanmualin keimah ngak leng.
2 Kei a zawnsaktu ten kil khawng haw,
a zotsaknak haw cu
catngawlin zo ing.
3 Maw Pathian aw, na ngetmi
thutepnak cu pia in hi,
kei a pantu tuk akua
um cuang haw tuk kaw?
4 Thu ngaihsut thiamnak
nei tuk ngawlin
a lungmu haw bin khawng ci.
Mah hangin amuhte cu
nehtu hitik zal pahsun.
5 Tanglaih thupaucapah,
mi pa khatin sum le pai deihin,
a ngualcam a suam ahi tale,
a cano haw a mitcaw tuk hi’
tin um hi.
6 Mah thu tehkipnak cu
ka humah hengtik haw;
ka lakah mi hungin ka mai pen
cilsiak haw hi.
7 Ka thasia in, ka mit vang
thim khawng awn zo;
ka khut le ka kete cu
lim bangin ngawm hi.
8 Mifelzet ing tin,
a ngaisungdun copte
a lungbingin, a venghawng haw in,
Pathian thei ngawl tin
kei cu lawl khawng haw hi.
9 Upat takmi ing tin,
a ngaisungdun cop ten,
dik ung hi tin muangdun
sesem haw hi.
10 Mahnaven a venghawng haw in
ka mai ah a ding haw a hin,
A lak hawah micip pa khatno hei
mu tuk mang.
11 Ka nunnak ni cu let pepel hi,
ka tuptahte pai dedeuh haw a,
ka thuduhsamte bo hawta.
12 Mahnaven ka ngualcam ten
zan khi sun ti haw,
khuavak awn toh ti haw hi.
Mahnaven kei cu
khuathim sung
lelengah um ing.
13 Ka muansanmi cu mithi khua
Sheol bek hi;
Mahlai mun khuathim sungah
ka zauphah phah tung.
14 Khankhuuk cu ka pa, ti tung a,
keimah a eitu thanlungte cu,
ka nu ahimata ka celnu ti tung.
15 Ka muansannak cu
ilai ah um tuk kaw?
Ka muansanmi a mutiktu a kuabek
um haw tuk maw?
16 Mithi khua Sheol ka hawh ten,
muansannakin
zui thei tukma hi.