6
Pathian In Isaiah Sam
1 Kumpi Uzziah thih kumin, Topa mu ing. A kumpi khunnak humah sunglawi le huham nei zetin khungin, a sunloihnak puan cu Biakinn sung dim khawng hi.Ref 6:1 2Kum 15:7; 2Khang 26:23;
2 A kimkotah mei alh bang serafim vancungmite umin, ha pa luk ten nei haw hi. A ha pa nihin, a mai khuh haw in, a dang pa nihin, a pumpi khuh haw, a dangleh pa nih ten leng haw hi.
3 Pa khat le pa khat samdunin:
“Thiangtho, thiangtho, thiangtho!
Cungnungbel Topa cu
thiangtho hi!
A sunloihnak cu
leihumah dim hi,” tin au haw hi. Ref 6:3 Mang 4:8;
4 A thawm haw nging leita in, Biakinn bul tian hing dudut khawngin, Biakinn cu meikhu tuah dim khawng hi.Ref 6:4 Mang 15:8;
5 Keimah in, “Bothal ing ei! Ka muansan tuk umleh ma toh. Ka muk pen a tulmi awnkam hempoh cu a sualmi awnkam ngeh hi; misual lakah umin, awnkam thiang ngawl lakah ngamta ing. Atu cu ka mitin kumpi, Cungnungbel Topa mu ngah zo ing.”
6 Mahten serafimnote 6:6 Serafim tih cu Vancungmi tampi tihnak hi. Vancungmi pa khat cu Seraf tih tukmi naven Seraf tih sangin Serafim pa khat tih hi theih baih saw deuh hang hi. pa khat cu biaklandawh a, meiling cu caiceh tuah cep thahin, ka lakah lengsuk hi.
7 Mah meiling cu ka mukah noihin, “Zo in, na muk tawngkha zo; tu pepanin, na mawhnakte cu pai khawng zo a, na sualnak cu ngaihdam hi zo hi.”
8 Topa in, “Akua kaw ka hah tuk? Akua kaw ka kamtai hi tuk? a tih za ing.”
Kei in, “Keimah hawh tung! Hu hahin,” ti ing.
9 Mah hangin amah in, “Hawh inna, hih mihing tei lakah: ‘Itizah takin na ngai uh hei in, za tukma uh ci. Iti zahin, na zo uh hei in, mu tukma uh ci,’ tin ti hi.
10 Hi mihing tei lungmu hi caw moltik inna, a beng haw vang bultikin, a mit haw cawtikin; imah mu ngawlin, za haw ma henna, thei haw ma hen. Mu in, zain le a thei haw ahi tale keima lamah hek kikleh haw tuk a, dam kha haw tuk hi.”Ref 6:10 Mt 13:14-15; Mk 4:12; Lk 8:10; Jn 12:40; Nung 28:26-27;
11 Kei in, “ Topa mahtih bangin itih can tian kaw a um haw tuk?” ti ing.
Amah in, “Khuapite siatsuah khawng hi haw tuk a, veng diudeu in, a um tian; kuakua hei in, a inn haw a zamsan khawng haw tian; hi ngam hi zamsanin, a veng diudeu tian hi tuk hi.
12 Hi mihingte cu lam khawlapi ah kuat tung, a ngam haw cu ngamkhingin suak tuk hi.
13 Mihing sawm sung pen pa khat cu ngam sungah a tang hei in, amah vang cu siatsuah cih hi leleng tuk; amah cu a phuhsa haw mi sasua kung bul sum bang hi tuk,” ti hi.
(Thingbul sum cu Pathian i mihing tei bulpatnak thak lak hamnak hi.)