5
Sabit Huan La
1 Ngai hem un; la na sak nang,
Ka ngualcampa le
a sabit huan la cu:
Ka ngualcam pa in,
sabit huan na nei hi,
Lei phazet mualhum
ngam phazetah,Ref 5:1-2 Mt 21:33; Mk 12:1; Lk 20:9;
2 Lei cekin, suangte
teng khawng limlem,
Sabit kung phabelte phut.
Huan cinnak tukin buk sa in,
Sabit ngawinak tukin kua co hi.
Sabit ngah mintuk ngak hi,
mahnaven a sabit ngahte cu
a venghawngin thuk khawng hi.
3 Ka ngualcam pa in, Jerusalem le Judah ngam a ummite, ka sabit huan le ka thu hi ngaihsutsak hem un.
4 Ka sabit huan ca in, ka bawl ngawlmi i kaw a um? Mahnaven ita ka ngaihsutnak bangin sabit ngah ukte ngah ngawlin sabit ngah thukte bek a ngah theih?
5 “Ka sabit huan cu hi bangin bawl tung. A upnak phelet khawng tung a, ngamsa ten ei in, sikpek khawng haw tahen.
6 Hampa po in, dim khawng hen. Sabit kung cu thiangtik tukma toh ing, a bung vang bung tukma toh ing. Ling le buak dim khawng hen. Meinim hei nguahzutik pahsun, tin kham tung.”
7 Israel cu Cungnungbel
Topa i sabit huan hi;
Judah mi cu a cinmi,
sabit kung phazet haw hi.
Phatnak bawl haw tukin um hi;
mahnaven mi thatin,
thisan luangtik haw hi.
A dikmi bawl haw tuk tin
um naven a phat ngawlnak
a thuaktute kapin
tau li haw hi.
Thil Pha Ngawl Bawl Haw
8 Bothal toh uh ci! Inn le lo na neih sa uhmi humah, inn le lo dang bet pepel uh ci. A ngei ngawlin a koi tatuk hei mun le ngam umleh tukma toh, ngam sungah nangmuh bek um tuk uh ci.
9 Cungnungbel Topa in, “Hi inn ngengpite le inn mawizette hi cuh khawngin, sia khawng tuk hi.
10 An seu nganote 5:10 An seu nga a cinnak haw mun cu lo ngam ekah pa nga zal hi, ekah pa khat cu pi za nih sau, pi za nih zal hi. suak huan sung a, cinmi sabitin, sabittui cuai nih bek suak tuk hi. Anci seu sawm na cin uhmi in an seu khat bek suak tuk hi,” tin, a tihmi thei zo ing.
11 Bothal zo uh ci! Zingtung na thawh bek uhten zu kham panbok na hih uh hangin taklam khuanuzet tian hak uh ci.
12 Na puai uhten tingtang le khuang le pheveute tumin, sabittui tuah diatdun uh ci. Topa in, i bawl him tih cu thei zo ma uh ci.
13 Mah hangin sila matmi hi tuk uh ci a, na hotu uhte an ngawlin thi haw tuk, mi thawthongte cu dangdumin thi haw tuk hi.
14 Mithi khua ten vonvah zo, kham zo tih nei haw ma; a kam zal zetin ka leleng. Jerusalem bawi le upate vang lung leilui le buai bengbungin, a um mi zalante tuah mun khatin thon khawng hi.
15 Kua nabang zakca haw tuk, mi pualthau hempoh cu khiaksuk khawng hi haw tuk hi.
16 Mahnaven Cungnungbel Topa in, a ngilnak huham langtikin, a dikmi bawl tuk hi, a thianthohnak cu a mihingte thu a khennak hum pen langtik tuk hi.
17 A sia khawng sa mi khuapi sungah tuu ten hampa ei haw tuk a, keel ten hamdawn ei haw tuk hi.
18 Bothal zo uh cei! Na sualnak uh pen suakca thei ma toh uh cei!
19 “ Topa in bawl tung a tihmi cu manlangin bawl henna, zo tehpah nung. Israel Pathian thiangtho in, ama nuammi cu bawl tahen; a ngaihsutmi le a tuptah mite cu mu teh him po nung!”
20 Bothal zo uh cei! Thilpha ngawl cu thilpha ti uh ci, thilpha cu thilpha ngawl ti uh ci. Khuathim cu khuavakin suaktikin, a hum mi cu a kha ti uh ci.
21 Bothal zo uh cei! Cip ung, cip ngangai ung tin, ngaisungdun cawm uh ci!
22 Bothal zo uh cei! Silnak zu palang lamah mi ngilte! Silnak zu phunkim tawhhel tuk lamah ngalpha le lau nei ngawlte uh ci!
23 Mahnaven nawhthuh a piak haw ten mi mawhte vang hah ngaw ngohin, mawh nei ngawl saw lehlam cu a thu haw theihsak nuam ma uh ci.
24 Mah hangin cangkung ko le hampa ko cu mei ah hulin, a kangtum khawng bangin, na zung uhte muatin, na pak mawi uhte thim tuk a, huihin mutvawk khawng tuk hi; itahim titale Israel Pathian thiangtho, Cungnungbel Topa i zilhmite lawl uh ci.
25 A mihing tei humah Topa cu a thinukin, bawlsia tukin a khut dangto zo. Mualte hing dudum khawng haw tuk a, mi luang cu buak bangin lamtuanah lum teptup haw tuk hi. Mah hei ten Topa i thinuknakin bawlsia tukin a khut dangto tuk laih hi.
26 Topa in, ngam khua lapi um miphun pa khat sam tukin theihtupnak langtikin, vanmawk deng pen hung tukin muktumin sam hi. Hung ngangai haw a, manlang zetin heng haw hi.
27 A lak hawah a cawlmi pa khat hei um haw ma. Pa khat hei a bah um haw ma. Hihbu haw ma, hihbusung hei um haw ma. A taikhap haw pa khatno hei dol ma, a kedam khau haw pa khatno hei cat ma.
28 A thalcangte cu hiam mahtak hi, a thalte cu kap theih hial, kau sa lengin um haw hi. A cipuh tei tinte cu meisuang bang cangin, cipuhleng kete cu simpei bangin pei vuvung hi.
29 A ngalkapte cu kiosa in, ngamsa manin kuamah i lon theih tuk ngawlin taipihin, a au kio haw bangin a thawm haw cu nging vanglak hi.
30 Mah ni a hen ten, tuipi thum bangin Israel humah thumin au haw tuk hi. Hi ngam hi zo hem un. Thimnak le aicannak bek um hi. Vaknak cu khuathimin thon hi.