4
1 Mah hun a hen ten, numei salih ten, pano pa khat man haw tuk a, “Keimuhno cawmdun tuk poh ung, puansilh tuk vang zeisak kul tukma ung; pasal nei thei ngawlin um tuk zahcaknak pen luatnak tukin, ka pasal ti zal ni ung,” ti haw tuk hi.
Jerusalem Pha Leh Tuk
2 Mah hun a hen ten, ngamsung thingkung le ankungte cu Topa in, ngengtikin, mawitik tuk hi. Israel tei lak pen a tangmi ten, a ngam haw pen a suakmi ante amuh haw ten a lungnopin, a mitmai phaleh haw tuk hi.
3 Jerusalem ah a tangmi, nungca tukin Pathian i tenmite cu mi thiangtho tin, sam hi haw tuk hi.
4 Topa in, a ngilnak huham tuah thukhenin, a ngam cu thiangtik tukin, Jerusalem sualnak le thisan luannak cu somciang tuk hi.
5 Zion Mualhum le mahlai ah a khawmmi tei humah Topa in sunlam ten meingo umtik tuk a, zanlam ten meikhu le meivak umtik tuk hi. Pathian i sunloihnak huhamin khuapi venghawng cu khuhin, hup tuk hi.Ref 4:5 Suah 13:21; 24:16;
6 Topa i sunloihnakin, khuapi cu sun nisatnak pen lim tuk a, nguahzu in, huihpi a theu hei ten buknak le himnak mun hi tuk hi.