49
Miphun Tampi Tei Lakah Vaknak
1 Ngam khawlapi ah
a ummi ngamte,
ngai hem un!
Khualzinte vang!
Ka pian laih ngawlin
Topa in teng zo;
Ama nadektu tukin
dehvo pia hi.Ref 49.1 Jer 1:5;
2 Ka awn cu ngalnam bangin
hiamtikin, a khut tuah
hup hi.
A hiamzet mi le man tukin
koihsa mi thalcang bangin bawl hi.Ref 49.2 Heb 4:12; Mang 1:16;
3 Amah in ka lakah,
“Maw Israel, nang cu
ka nadektu ci;
Nangmah hangin miten
keimah thangphat haw tuk,”
ti hi.
4 Kei in, “Dekli na vengin
thawnthong ngeh hi.
Ka zaangtha bo khawngin
ka deh suahmi imah
umma ti ing.”
Mahnaven Topa cu
a pha ngawlmi phatiktu le
a dik ngawlmi dik zetin,
a bawl theitu hi tih cu
muang lo poh ing;
Ka dehnak hangin amah in
thaman pia tuk hi.
5 Ka pian laih ngawlin,
Topa in dehvo na sem zo;
A mihingte puikik tukin le
a khen siamsuammi
Israel mite kikleh tukin
ama nadektu in bawl hi.
Topa in minphatnak pia hi.
Amah cu ka ngilnak
bulpi hi.
6 Topa in, “Ka nadektu,
na dehvo thu pi sesem um hi;
A tang calam Israel tei nelah,
ni dang laih bang lengin
minthannak na hen lehtik
tuk bek hi ngawlin,
Lei buppi in luatnak
a ngah theihnak tukin,
nangmah cu miphun tampi tei lakah
vaaknak tukin bawl tung,” ti hi.Ref 49.6 Isa 42:6; Lk 2:32; Nung 13:47; 26:23;
7 Mitei zotsakmi, miphun tampi tei
huatmi, uktu bawi tei
umlawh nadektu tei lakah,
a thiangtho Pathian
Israel pantu in,
“Mi luat na hihnak cu
kumpi ten mu haw tuk a,
upatnak a langtik tukin
ding haw tuk hi.
Kumpi capate le bawi ten
mu haw tuk a, upatnakin,
na mai ah kun haw tuk hi.”
Topa Israel Pathian
thiangtho in,
a nadektu in teng zo toh hi.
A thutepmi a kimtik
leleng hangin a hum a bangin
piang ngangai tuk hi.
Jerusalem Dinlehnak
8 Topa in, a mitei lakah,
nangmuh patnak ni
a hen ten bawm tung hi.
Bopnak na nget uhmi cu
za tung.
Cingkhawi tung a,
humhim tung hi.
Nangmu sung pen
mi hempoh lakah
thutepnak bawl tung hi.
Na zamsa uhmi ngam sungah
umlehtik tung.Ref 49.8 2Kor 6:2;
9 Thawngta tei lakah,
‘Tul toh un hi,’ ti tung.
Thimnak sung ummi tei lakah,
‘Vaknak sungah hung toh un;
ti tung. Mualhum a,
an a ei litu cu tuu bangin
hi haw tuk hi.
10 Ngilkial le dangdumin
um haw tukma.
Nisa le phillawn nisa in
siatsuah tukma hi.
Itahim titale amuh a deihtu in
cingkhawi tuk a,
ciktui umnak munah pui tuk hi.Ref 49.10 Mang 7:16-17;
11 “Mual humah lampi ngengpi
bawl tung a,
Ka mitei hawhnak lampi cu
sial tung hi.
12 Ka mite cu ngam khawlapi pen
pin haw tuk;
Saklam le nitumnak lam,
hanglam Asuannote 49:12 Asuan khua cu Izipt ngam hanglam a ummi hi in, mah khua sungah Judah mi tampi um haw hi. khua
hei pen hung haw tuk hi.”
13 Maw vante, lasa un hi!
Maw leihum,
lungdamin au un!
Mualte vang lungdamin
lasa haw hen!
Topa in, a mite hehnemin,
a thuakzettu a mitei humah
hehpihnak nei tuk hi.
14 Mahnaven Jerusalem miten,
“ Topa in nunghek zo,
phawkngil zo toh,” tin ti haw hi.
15 Mah hangin Topa in,
numei in, a sungsuak ca cu
phawkngil thei a ni maw?
A hinmi a ca cu
deih ngawlin
um thei ni maw?
A nu in, a ca cu a phawkngil hei in,
Kei in nohte cu phawkngil
thei thong tuk mang hi.
16 Maw! Jerusalem,
phawkngil thawthong thei
tuk mang hi.
Ka khutphalh sungah
na min ngan zo ing.
17 Nangmah a dingto lehtiktu tukte
hengpal haw tuk a,
a siatsuahtute cu haw tuk hi.
18 Na elkim a thil a piangte zo hemin!
Na mite hung li haw hi.
Hung kikleh li haw laih hi.
A nungmi Topa
keimah in tiam ing:
Mo in, a mo vante
uangzet a silh bangin,
na mite hi na ca in,
suan takmi hi haw tuk hi.
19 Na ngam cu buakvawkmi
bang cangin khing diudeu hi.
Mahnaven a umtu tei ca in
neu leita tuk laih hi.
Buakcopmi in, a cangtiktute cu
a khawlapi ah koih hi
haw tuk hi.
20 Saltannak ngam pen
a suahmi na mihing ten
“Hi ngam hi neu leita,
ngam zal deuh deih hung hi,”
tin ni kha khat ten
ti haw tuk laih hi.
21 Na lungmuno in,
“Akua in kaw hi bang canote
a hinsak?
Ka cate tale thi haw si;
micingnu hi zo ing,
thawng khiakmi le
hawlvawkmi ing.
Akua in kaw hi canote hi
a cinkhawi sak?
Keimah bek zam thongmi
hi sing.
Ilai pen heng hi cate hi
a hun haw? tin tituk ci.”
22 Topa Pathian in,
a mihing tei nelah,
“Ka khut zak tung a,
miphun tei nelah
melciknak langtik tung hi.
na cate uh cu innah
hunpih haw tuk hi.
23 Kumpipate cu nangmu ca in
pa bang hi haw tuk a,
Kumpinute cu nangmuh a cingkemtu
na nu uh bang hi haw tuk hi.
Nangmu mai ah a lu kunin
upat haw tuk hi.
Na mai uhah upatnak
pia haw tuk hi.
Keimah cu Topa ka hihlam
thei tuk uh ci.
Keima bopnak a ngaktute cu
a lungbing haw tukma,” ti hi.
24 Ngalkap tei laksa mi na cu
longleh kik thei ni uh cim?
Hehpihnak nei ngawltu i matsami
thawngtate cu
pan suahleh thei ni uh cim?
25 Topa in,
“Cang thei tukma
na tih uhmi cangthei tuk hi;
Ngalkap ngilzet i khut sung a,
ngal na mat mite cu,
patsuah hi haw tuk a,
hehpihnak nei ngawltu i laksa mi
nate vang lonsakleh hi tuk hi.
Nangmuh a dotu hempoh cu
do tung a,
na ca uhte pan suak tung.
26 A bawlsiatute cu amuh le muh
thatduntik tung a,
mithah nuamnak le thinuknakin
ngui haw tuk hi.
Nangmuh a huptu le
a suakcatiktu cu
Topa keimah ka hihlam
miphun hempoh ten
thei haw tuk hi.
Israel i Pathian ngilzet
ka hihlam thei haw tuk,”
ti hi.