18
Pathian In Ethiopia Siatsuah Tuk
1 Ethiopia ngam ngun ngalkhat lam a, ummi ngamah hakhen thawmnging thang hi.Ref 18:1-7 Zef 2:12;
2 Mahmi ngam tei palaite cu Nail tuipi hum pen phaiphuk kung phan tuah bawlmi tinbaw khungin, heng haw hi. Palai ngilte, manlangin kikleh un! Thu le late cu nangmu ngamah kihpihleh un hi; Nail ngunpi putnak, a ngilmi le huham neimi nangmu ngamah, lei buppi i laumi mi dingsau le vunmam mi na miphun pih tei lakah kikleh un hi.
3 Leihum a, ummi hempoh ngai ten un! Mualkulah a khai haw tukmi melciknak alan zo un! Pengkul a tum haw mi nging ngai un!
4 Topa in ka lakah, “Sunlamah vak sise in, ni vak bang le an lak hun khawlum zanin daita bangin, ka umnak vanhum pen zo tung hi.
5 Sabit paakte kulh khawngin, a ngah a min lai takin sabit ngah thoih hun deuh lai ngawlin sabit ngui baihno in, a sahcat theih bangin baihno in ngal ten siatsuah haw tuk hi.
6 A ngalkap tei luangte cu vui ngawlin zamthong haw tuk a, vano le ngamsa tei ca hi haw tuk hi. Khua khal hun ten vano ten ei in, phalbi ten ngamsa ten ei haw tuk hi.”
7 Nail ngun putnak ngam, a ngilmi le huham neimi ngam, leihum buppi i laumi, mi dingsau le vunmam ten Cungnungbel Topa i lakah biakpiaknak a piaknak hun heng tuk hi.
Cungnungbel Topa biaknak mun Zion mualah hung haw tuk hi.