HOSEA
Laibu
(The Book of Hosea)
Thulamsial
Profet Hosea i thuhilhnak mun cu sak lam Israel ngam hi in, profet Amos ma suan, Samaria ngam a siat deuh laih ngawl 721 BC, haksat le buaizet hun laihtak hi. A thu hilhnuambel cu Israel tei milim a biak hawnak thu le Pathian mai ah muantak ngawlnak haw thu hi. Mahtibang a um haw cu Hosea amah in muantak ngawl zi a neihmi tuah bangve hi tin hilh hi. A zi Gomer in, a pasal Hosea humah muan a tak ngawl bangin, Israel miten Pathian taisan zo haw hi. Hi thu hangin Israel tei humah haksa thuak tuk thukhennak heng zo hi. Mahnaven dawltabel ten a khohzet mi Pathian itnakin mi nehin, Israel cu ama lamah pui kikleh thei tuk hi. A peh un hawnak vang amasa bang lengin umleh tuk hi hin hilh hi. Hi mi a itnak thu cu (11:8) ah lang hi.
1
1 Judah kumpi Uzziah, Jotham, Ahaz, Hezekiah kumpi le Israel kumpi Jehoash capa Jeroboam in kumpi a deh laihin, Topa i thu cu Beeri capa Hosea lakah heng hi.Ref 1:1 2Kum 14:23-15:7; 15:32-16:20; 18:1-20:21; 2Khang 26:1-27:8; 28:1-32:33;
Hosea i Zi le Cate
2 Topa in, Hosea hum tawnin Israel tei lakah thu a hilh ten a masabelin, Hosea lakah zi huai inna, muantak ngawl zi a hih hangin na cate vang a nu sun haw tuk hi. Ka miphun ten zamsanin, numei pha ngawl phunah cang zo haw tin hilh hi.
3 Mah hangin Hosea in Diblaim i canu Gomer huai hi. Nau pai in capa hing hi.
4 Topa in Hosea lakah, “Nau min Jezreel sa in Itahim titale a ngei ngawlin Israel kumpipa i pu Jehu in, Jezreel khua ah mi a thah hangin Israel kumpipa cu dantat tung a, Jehu casuan tei ngam uknak botik tung hi.Ref 1:4 2Kum 10:11;
5 Jezreel Munlawn pen Israel ngalkap tei ngilnak cu siatsuah khawng tung tin hilh hi.
6 Gomer in ca nihnak nei in, canuno hi. Topa in, Hosea lakah, “A min cu ‘Lo-Ruhamah,’note 1:6 Lo-Ruhamah tih cu Ih ngawlmi tihnak hi. tin sa in hi. Itahim titale Israel mite cu ka ihnak le ka ngaihdamnak lakleh tukma toh ing.
7 Mahnaven Judah mite cu it in, ka ihnak vang lakleh tung hi. Topa a Pathian haw keimah in, pan tung, mahti bang ka pat ten ngal donak hiamnam, thal, ceipi le cipuh ngalkapte tuah pan tuk mang,” ti hi.
8 Gomer in, a canu nawicawp a tawptik ceng ten naupai lehin capa hingleh hi.
9 Topa in, Hosea lakah, “Nau min cu ‘Loammi,’note 1:9 Loammi tih cu Ka mihing kha ma tihnak hi. sa in hi. Itahim titale noh Israel miphunte cu ka miphun hi lehma toh uh ci a, kei vang noh tei Pathian hi lehma toh ing tin,” ti hi.
Israel Tundinleh Tuk
10 Israel miphun cu tuipi mawk a philnel zahin pungleh tuk hi, teh celh ngawl le sialcelh ngawlin tam haw tuk hi. Atu-in, Pathian in, “Israel cu ka miphun khaleh haw ma toh,” ti hi. Mahnaven, nohte cu a nungmi Pathian i cate hi uh ci a tih ni cu hengleh tuk hi.Ref 1:10 Rom 9:26;
11 Judah le Israel mi cu komdunleh haw tuk hi. Amu ca in lamhuaitu lupi pa khat tenglehin, a ngamsung haw vang ni dang laih bangin pungzai in, khangtoleh tuk hi. Hi zuh hi, Jezreelnote 1:11 Jezreel tih cu Hebru awn hi in, a tih nuam mi cu Pathian in theh tihnak a si ih khantohnak le pungzainak lam hilh nuammi hi. i khan cu sunglawizet tuk hi.