12
Hun Bonak
1 Nimzang ma neuno tuah tahmi puan a silhtu vancungmi in, “Mah hun ten na mihingte cingkhawitu vancungmi Mikhael lang tuk hi. Hi miphun tei lakah a pianpat haw pepanin, a tawh awng haw ngawlmi haksatnak nasezet heng tuk hi. Mah hun ten Pathian laibu sung a, min ngatmi na miphunte cu pat suak hi haw tuk hi.Ref 12:1 Mt 24:21; Mk 13:19; Mang 7:14; 12:7;
2 A thisa mihing tampi nunglehin, mi khenkhat cu kumkhua nunnak co haw tuk a, khenkhat cu kumkhua zahcaknak tawk haw tuk hi.Ref 12:2 Isa 26:19; Mt 25:46; Jn 5:29;
3 Hotu micipte cu van a vaknak hempoh tuah vak haw tuk hi. A dikmi bawl tukin mi tampi a zilhtute cu aksi bangin kumkhua in al leleng haw tuk,” ti hi.
4 Ka lakah, “Daniel, atu-in laibu cu khup inna, leihum a bo laklawh kuamah i hon theih tuk ngawlin a humah tacik khenin hi. Mi tampi ten iti bang thu piang tih a sullam theih tum li haw tuk naven thawnthong tuk,” ti hi.Ref 12:4 Mang 22:10;
5 Mah nungten tui mawkah mi pa nih ding mu ing, mawk khatah pa khat veve ding haw hi.
6 Mahmi pa khatin tui humlam a dingtu vancungmi lakah, “Hiti bang thasiahhuai nate a bo laih ngawlin hun iti can um tuk laih kaw?” tin dong hi.
7 Vancungmi in, a khut pa nih van lamah zakin, Kumkhua Pathian min salin thutepnak bawl hi. Amah in, “Kum thum le lang um tuk hi. Pathian mite bawlsiatnak a bo ten hi thu hempoh cu kim khawng tuk a tihmi za ing.”Ref 12:7 Mang 10:5; 12:14;
8 Mahtibang a tihmi cu za naveng, a sullam thei zo mang. Mah hangin, “ Topa, iti bangin kaw a bonak ahi tuk?” tin dongleh ing.
9 Amah in, “Daniel, atu hawh inna, hi thute cu hun bonak a hen laihngawl sung cu kuamah i theih tuk ngawl selkuhin, tacik khetmi hi tuk hi.
10 Mi tampi cu thiantiknak ngah haw tuk hi. Mipha ngawl ten thei zo haw tukma, pha ngawl pepel haw tuk a, micipte bekin thei zo haw tuk hi.Ref 12:10 Mang 22:11;
11 “Nisial biakpiaknak cawlhsan haw, mah ningdelhhuai mullinghah a bawl pat haw pepan, ni thawng khat le za nih le sawm kuah liam tuk hi.Ref 12:11 Dan 9:27; 11:31; Mt 24:15; Mk 13:14;
12 Ni thawng khat za thum sawm thum le ni nga a bo laklawh muanhuai zetin, a nungtute cu mi lungdam haw hi.
13 “Nang Daniel, a bo tian muantak zetin umin hi. Leihum na nunnak cu bo tuk naven hun bonak ten laksawng co tukin tholeh tuk ci,” ti hi.