3
Habakkuk Thungetnak
1 Profet Habakkuk i thungetnak cu hi bangin hi.
2 Topa aw, na thil bawlmi
thei zo ing,
thasiahhuaizet haw hi.
Na thil bawlmite cu
a thakin, keimu khanah
bawlleh zazalin hi.
Na thinuk laih vangin
keimu humah
hehpihnak nei zazalin hi.
3 Pathian cu Edom pen
hungleh hi.
Pathian thiangtho cu
Paran mual pen hung hi.
A sunloihnakin vankhuhin,
pahcoihnak cu
leihumah dim hi.
4 A hun ten khuaphelep bangin vak hi.
A khut pen
khuavak al susulin,
mahlai ah a ngilnak cu
selkuhin um hi.
5 Natnak a mai ah hahin,
thihnak cu a nung pen
zui tukin thupia hi.
6 Amah a cawlh ten
leipi hing dudum hi.
A mit a zoh bek hei ten
miphun hempoh
can tawtok haw hi.
Kumkhua a khomi
mualsangte vang
keh khawng haw hi.
Khang tuanin, a ummi mual cu
nimsuk khawng hi.
Tanglaih pepan a zui awng uhmi
7 Kushan mite thinsu in,
a um haw mu ing.
Midian mite vang
can tawtok haw hi.
8 Topa, luitui in,
na thinuktik maw?
Tuipi thuanthumin,
na thinuktik maw?
Nang cu meingo humah khung ci.
Na mihing tei nelah
nehnak na piak ten,
Huihpi cu na cipuhleng hi.
9 Na thal cu kau in,
na thalcang kap tukin el li ci.
Na khuaphelepin leipi cu sukeh hi.
10 Mual sangpi ten amuh haw ten
a lau in,
can tawtok haw hi.
Van pen tui leih sukin,
leinuai a,
tuite thum li haw hi.
Tuicawk cu sang zetin
tho haw hi.
11 Na thalcang de zuzulin,
a tul ten le
na ceipi al susulin, a let ten,
ni le hade cu
a umnak mun hawah
ding leng haw hi.
12 Thinukin leipi cu tanpek ci,
thinuk zetin miphunte
ngawizan ci.
13 Mahnaven na mihingte
pan tukin tul ci,
na tenmi kumpi pan tukin le
mipha ngawl tei puitu cu
khesukin, a nungzuite cu
siatsuah khawng hi ci.
14 Na thalcangin,
a ngalkap bawipa kha hi.
Keimah khenkhek tukin huihpi bangin
a hun haw ten; a kuhno in
mi ca-ngah a bawlsiatu bangin,
keimuh nuihsan thahin,
hung haw hi.
15 Na cipuhte tuah tuipi thuanthum
na kaltan ten,
a nase zetmi tuipi cu phuan cucul hi.
16 Mah thute ka zak ten lau in can ing,
ka mul cu ka lau leita hangin
tho khawng hi.
Ka pumpi cu
phe thei ngawlin
ka kete vang
Keimuh dotu Pathian in,
a dantat tuk hun can cu,
thinsau zetin ngak tung hi.
17 Theipi in ngah nei ngawlin,
sabit kung pen
sabit a ngah ngawl vangin,
olif kung a, olif ngahte
sia khawngin le
lo an a suak ngawl vangin,
tuute thi khawngin
khui inn alawng khawng vangin,
18 Ka lungdamin
ka thinnop leleng tung hi.
Itahim titale Topa Pathian cu
keimah pantu pa hi.
19 Cungnungbel Topa in
ngilnak pia hi.
Sazuk bangin ka ke khotikin,
mualsang humah
himdamno in koih hi.Ref 3:19 2Sam 22:34; Saam 18:33;