2
Mi Ngilo Pa
1 U le naute aw, Topa Jesuh hunlehnak tuk le Amah tuah munkhatah tawkdun khawmnak tuk thu ah;Ref 2:1 1Thes 4:15-17;
2 Lungmu vakvai in, um li pahsuh un hi. Mahten Topa i ni cu heng zo hi, a tih haw mi ah vang mangbang vansangin um pahsuh un tin hilh ing. Mahti bang a titu ten, amuh ten hilhhamnak nei zo haw hi, mahma tale thu a hilhnak hawah telhcih haw hi, tin maw, mah ahimata, a laikuat sungah ngan haw hi, tih hei in ti haw tuk hi.
3 Kuamah in zol haw pahsuh hen. Itahim titale dawlbel ngal dodunnak a hen laih ngawl le hell sungah a cak tukmi Mi Ngilo Pa a hen laih ngawlin Topa i ni cu heng tukma hi.
4 Mi ngilo pa in midang tei Pathian a ngaihsut haw mi le biak tukin a ngaihsut haw mi hempoh do in, mah hempoh tei humah amah le mah koih cop tuk hi. Pathian Biakinn sung hei ah khung tumin, keimah hi Pathian toh ing, tin tituk hi.Ref 2:4 Dan 11:36; Ezk 28:2;
5 Phawkleh ma toh uh cim? Nangmu lakah ka um lai in hi thu hempoh hilh khawng zo ing.
6 Mahnaven atu-in heng tukma laih hi. Itahim titale a khamtu um hi, mah a khamtu cu ihim tih thei uh ci. A hun a kim ten mi ngilo pa cu lang tuk hi.
7 Theihtup ngawl Mi Ngilo Pa cu nadek kuh li zo hi; mahnaven a khamtu mundangah a thawn laih ngawl sungin, a piang tuk mite piang thei hih tukma hi.
8 Hun a kim ten mi ngilo pa cu lang tuk hi. Mahnaven Topa Jesuh a hen ten, a kam sung pen a tulmi haihawh tuah thatin, a vak selsulmi a sunloihnakin siatsuah tuk hi.Ref 2:8 Isa 11:4;
9 Mi Ngilo Pa cu Satan huham tuah hungin thasiahhuai le nalamdang a phunkim tuah mizolnakin mang tuk hi.Ref 2:9 Mt 24:24;
10 A paithong tukmi tei lakah, a pha ngawlzetmi, mizolnak, a phunkim mang tuk hi. Mahte cu paithong haw tuk. Itahim titale nunpatnak ngah theihnak tuk a ummi thuman cu deih ngawlin sang nuam haw ma hi.
11 Mah hangin Pathian in amuh tei lakah nadek tukin thuman ngawlmi huham hahin sang haw hi.
12 Mahten thutak sang ngawlin, sualnak lam a tengtu cu siatnakah heng haw tuk hi.
Nunpatnak Ngah Tukin Tenmi
13 Topa i ihmi u le naute aw, nangmuhte hangin Pathian thangphat leleng tuk ung hi. Itahim titale Hawvang huham thawm tuah Pathian i mi thiangtho a cangtik tukin le thutak na muannak uh hangin nunpatnak ngah tukin Pathian i ten masabelmi hi uh ci.
14 Hiti bangte co tukin, Pathian in nangmuh tei lakah ka phuan uhmi Thuthangpha sung pen sam hi. Topa Jesuh Khrih sunloihnak a cotu hi bok tukin sammi hi uh ci.
15 Mah a hih hangin u le naute aw, thu a hilh uhmi in hihen, nangmu lakah lai ka kuat uhmi in hihen, ka hilhmi thutak cu khim zetin len unna, kho zetin ding un hi.
16 Kohte it in, a hehpihnak i hangin catngawlin ngilnak le muankhonak a piatu Topa Jesuh Khrih le Pa Pathian in,
17 Thapia in, a pha mi na bawl theihnak tuk uhin ngilnak dimtik tahen.