THESALON
Khristian Tei Lakah Paul i Laikuat Vei Nihnak
(Paul’s Second Letter to the Thessalonians)
Thulamsial
Jesuh Khrih hunlehnak a ngahnak haw thu ah thubuai umin, mah thubuai cu Thesalon pawlpi sungah nawngkainak umlaih hi. Thesalon khua Khristian tei lakah Paul i laikuat vei nihnak cu Jesuh Khrih hunlehnak ni heng zo hi a titu tei upnak a elnak lai hi. Mah upnak cu man ma ti hi. Jesuh Khrih a hunleh lai ngawlin siatnak le phatngawlnakte a tawpkhawk tian heng tuk a, Khrih dodaltu, ‘Mi ngilo pa,’ tihmi i makaihnakin hi tuk hi, tin ngan hi.
Paul in, a hilhnuambelmi cu haksatnak le thuaknak nasezet a heng vangin a upnak hawah kipkho zetin ding tuk le nuncan khuasaknakah Paul amah le a ngualcamte khi zohteh tukin hilh hi.
1
1 Paul, SilasRef 1:1 Nung 17:1; le Timote ten Thesalon khua a ummi pawlpi, ohtei Pa Pathian le Topa Jesuh Khrih ta a himi, noh tei lakah laikuat ung hi.
2 Pa Pathian le Topa Jesuh Khrih in hehpihnak le lemdaihnak thupha pia tahen.
Khrih A Hunleh Ten Thukhennak
3 U le naute nangmuh hangin Pathian humah lungdamzet ung hi. Mahti bangin Pathian a thangphat uh cu a dikmi hi. Itahim titale na upnak uh khang zetin pa khat le pa khat na itdunnak uh vang khang tawto hi.
4 Mah hangin Pathian pawlpi tei lakah nangmu thu hangin mai ngal pih li ung hi. Haksatnak le bawlsiatnakte thuak thah leng napi in, thuakzawhnak le muannak na neih theih uh hangin mai ngalpihzet ung hi.
5 Hite in, Pathian thukhennak cu camcawi hi tin langtik a, Pathian Uknak i hangin a thuakmi na hih uhten Pathian Uknak sungah a tham, a takmi hi uh ci.
6 Pathian in, a manmi bawl tuk hi. Haksatnak a piatu tei humah haksatnak henglehtik bok tuk hi.
7 Haksatnak a thuaktu nangmuh tei lakah colhdamnak pia in, kohtei lakah vang pia bok hi. Mahmi cu Topa Jesuh le huham tuah a dimmi ama vancungmi a hunsuk haw ten bawl tuk hi.
8 Pathian thei ngawlte le Topa Jesuh i Thuthangpha a um a sang nuam ngawl cu mei sungah khia in, bawlsia tuk hi.
9 Amuhte cu kumkhua nuncimnak thuak haw tuk hi. Topa cu a mihing le a umtu tei lak pen sunloih upatnak co tukin, Ref 1:9 Isa 2:10;
10 a hunleh ni ten a muhte cu a huham sunloihnak le Topa i mitmai mu tuk ngawlin, hawlvawk haw tuk hi. Mahten nohte cu nangmu lakah ka phuan uhmi Thuthangpha na up uh hangin Topa a sunloihtu le upatnak a piatu tei lakah tel bok tuk uh ci.
11 Mah hangin nangmuh tei ca in catngawlin ka thungetnak hi. Pathian i sam nuam sanbelmi nunnak tuah a kaihin, na nun theihnak tuk uhin Pathian nelah ngen leleng ung hi. A huham i thawmin, na deih uhmi hempoh cu phatnak lamah kimtikin, na upnak uh hangin nadehnak uh cu amah in pitungtik tahen.
12 Mahten Topa Jesuh min cu, nangmu lak pen sunloihnak ngahin, Pa Pathian le Topa Jesuh Khrih i hehpihnak thawmin nangmuhte vang sunloihnak co bok tuk uh ci.