2
Babilon Pen A Kikmi Cazin
(Neh 7:4-73)
1 Babilon saltannak pen mi tampi cu Jerusalem le Judah ngam amu khua tekah kik tukin Babilon pen tul haw hi. Kumpi Nebuchadnezzar salin, a mat laih pepan innkua tampi cu Babilon ngamah um leleng haw hi.
2 A kikmite hotu cu Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah haw hi. Babilon pen a kikmi Israel hinnamte a mihing umzah cu a nuailam bangin hi.
3 Parosh hinnam pen thawng nih, za le sawm salih le pa nih.
4 Shefatiah hinnam pen za thum le sawm salih le pa nih.
5 Arah hinnam pen za salih le sawm salih le pa nga.
6 Pahath Moab (Jeshua le Joab casuan hinnam pen) thawng nih, za liat le sawm le pa nih.
7 Elam hinnam pen thawng khat, za nih le sawm nga le pa li.
8 Zattu hinnam pen za kuah le sawm li le pa nga.
9 Zakkai hinnam pen za salih le sawm luk.
10 Bani hinnam pen za luk le sawm li le pa thum.
11 Bebai hinnam pen za luk le sawm nih le pa thum.
12 Azgad hinnam pen thawng khat, za nih le sawm nih le pa nih.
13 Adonikam hinnam pen za luk le sawm luk le pa luk.
14 Bigvai hinnam pen thawng nih, sawm nga le pa luk.
15 Adin hinnam pen za li le sawm nga le pa li.
16 Ater (Hezekiah) hinnam pen sawm kuah le liat.
17 Bezai hinnam pen za thum le sawm nih le pa thum,
18 Jorah hinnam pen za le sawm nih le pa nih.
19 Hashum hinnam pen za nih le sawm nih le pa thum.
20 Gibbar hinnam pen sawm kuah le pa nga na hi haw hi.
21-35 A nuailam khua a, um tei casuante a kikmi lakah tel haw hi.
Bethlehem khua mi casuan za le sawm nih le pa thum.
Netofah khua mi casuan sawm nga le pa luk.
Anathoth khua mi casuan za le sawm nih le liat.
Azmaveth khua mi casuan sawm li le pa nih.
Kiriath Jearim, Khefirah le Beeroth khua mi casuan za salih le sawm li le pa thum.
Ramath le Geba khua mi casuan za luk le sawm nih le pa khat.
Mikmas khua mi casuan za le sawm nih le pa nih.
Bethel le Ai khua mi casuan za nih le sawm nih le pa thum.
Nebo khua mi casuan sawm nga le pa nih.
Magbish khua mi casuan za le sawm nga le pa luk.
Adang Elam khua mi casuan thawng khat le za nih le sawm nga le pa li.
Harim khua mi casuan za thum le sawm nih.
Lod, Hadid le Ono khua mi casuan za salih le sawm nih le pa nga.
Jerikho khua mi casuan za thum le sawm li le pa nga.
Senaah khua mi casuan thawng thum le za luk le sawm thum.
36-39 Thiampi hinnam a kikmite cu a nuailam bangin hi haw hi.
Jedaiah hinnam pen (Jeshua casuante) za kuah le sawm salih le pa thum.
Immer hinnam pen thawng khat le sawm nga le pa nih.
Pashhur hinnam pen thawng khat le za nih le sawm li le salih.
Harim hinnam pen thawng khat le sawm le salih na hi.
40 Levi hinnam pen a kikmi cu a nuailam bangin hi haw hi.
Jeshua le Kadmiel (Hodaviah casuan) hinnam pen sawm salih le pa li.
41 Biakinn lasatute (Asaf casuan) za le sawm nih le liat.
42 Biakinn kongka cingtute (Shallum, Ater, Talmon, Akkub, Hati tale Shobai casuan) za le sawm thum le kuah.
43-54 A kikmi tei lak pen a nuailam a, Biakinn satute cu a innkua tek haw tuah tel haw hi.
Ziha, Hasufa, Tabbaoth,
Keros, Siaha, Padon,
Lebanah, Hagabah, Akkub,
Hagad, Shamlai, Hanan,
Giddel, Gahar, Reaiah,
Rezin, Nekoda, Gazzam
Uzza, Paseah, Besai
Asnah, Meunim, Nefisim
Bakbuk, Hakufa, Harhur
Bazluth, Mehida, Harsha
Barkos, Sisera, Temah
Neziah le Hatifa na hi haw hi.
55-57 Solomon i inncengte a innkua tek haw tuah a kikmite cu a nuailamte haw hi.
Sotai, Hassofereth, Peruda
Jaalah, Darkon, Giddel
Shefatiah, Hattil, Pokhereth,
Hazzebaim le Ami ha hi haw hi.
58 Biakinn satu tei casuan le Solomon innceng tei casuan a kikmi a venghawng haw in za thum le sawm kuah le pa nih haw hi.
59-60 Tel Melah, Tel Harsha, Cherub, Addan le Immer Khua pen Delaiah hinnamte, Tobiah hinnam le Nekoda hinnamte, a venghawngin za luk le sawm nga le pa nih a kikmi tei lakah tel haw hi. Mahnaven Israel tei casuan a hihnak haw ciangno in hilh thei haw ma.
61-62 Thiampi Habaiah hin, Hakkoz hin le Barzillai hin ten a pu le pa tei sialsiahnak lai ngatmi mu haw ma. Barzillai hin tei pu in, Gilead ngam Barzillai hin numei huai in, a sungpa i min a lak hangin Barzillai hin tin sam haw hi.
A pu le pa akua tih a theih haw ngawl hangin amuhte cu thiampi ten pom thei haw ma.
63 Judah mi uktu bawi in, Urim le Thummim tihmi a mang thiamtu thiampi a um haw laih ngawl sung cu Pathian lak a, piakmi an thiangtho ei tuk ngawlin kham hi.Ref 2:63 Mipum 27:21;
64-67 Babilon saltannak pen a kikmi a venghawng haw in, thawng sawm li le thawng nih za thum le sawm luk haw hi.
Numei hihen, pano hihen a innceng venghawngin thawng salih za thum sawm thum salih haw hi.
Lasatu numei hihen, pano hihen a venghawng haw in za nih haw hi.
Cipuh za salih le sawm thum pa luk,
Laak za nih sawm li pa nga,
Kalauk za li sawm thum pa nga,
Van puatu laak thawng luk za salih le sawm nih haw hi.
68 Saltangte cu Jerusalem khua Topa i Biakinn a hen haw ten a innkua sung hotu khenkhat ten lungthiang zetin nate pia in, Biakinn cu a masa dinnak munah saleh tum haw hi.
69 Biakinn saknak tukin a piak theih zah haw ten pia in, a piakmite cu sui cuai za nih le cuai sawm luk, ngun cuai thawng khat za liat le sawm thum le thiampi tei angkicual za khat hi.
70 Thiampi, Levi mite le mipi khenkhatte cu Jerusalem khua le a elkimah um haw in, lasatute, Biakinn cingtute le Biakinn nadektute cu Jerusalem el khuano sungah um haw hi. Israel midangte cu a pu le pa tei khua tekah um haw hi.Ref 2:70 1Khang 9:2; Neh 11:3;