3
Pathian Bia Panleh Haw
1 Ha salihnakin, Israel mite cu a khua tek hawah a um nung haw ten, Jerusalem ah tawkdun khawm haw a,
2 Jozadak i capa Joshua, a ngualcam thiampite le Shealtel i capa Zerubbabel le a innkuapih ten Pathian mihing Moses i piakmi Daan bangin halkang biakpiaknak a piak theih hawnak tukin le Israel Pathian biakpiaknak tukin biaklandawh bawlleh haw hi.Ref 3:2 Suah 27:1;
3 A ngamsung haw a, um midangte lau haw naven biaklandawh cu a dinnak mun lengah bawlleh haw hi. Mah biaklandawh humah Topa i lakah zinglam le taklam sial ten biakpiaknak bawl haw hi.Ref 3:3 Mipum 28:1-8;
4 A daan bangin Puanbuk Puai bawlin, ni khat sungin bawl tukmi biakpiaknak cu pelh ngawlin nisial bawl haw hi.Ref 3:4 Mipum 29:12-38;
5 Mah hum pen a piak leleng haw mi halkang biakpiaknak, Ha Thak Puai a, piakmi biakpiaknak, Israel mi a tawhdun khawm haw ten a bawl mek haw mi biakpiaknak le Topa i lak a, thinthiang zetin a bawl haw mi biakpiaknakte bawl haw hi.Ref 3:5 Mipum 28:11-29:39;
6 Mipi ten Biakinn sak cu pan haw ma laih naven ha salih ha, ni khat ni-in, Topa i lakah halkang biakpiaknak bawl pan haw hi.
Biakinn Sa Panleh Haw
7 Mipi ten suangseektu le khutzung thiamte piak tukin sumpai pia haw in, Lebanon ngam a, sidar thing theknak tuk le Taiar le Sidon khua a, kuat tukin eih tukte le situite pia haw hi. Sidar thing cu tui hum pen Joppa ah puak tuk hi. Hi hempoh cu Persia kumpi Sairasnote 3:7 Persia kumpi Sairas cu Babilon ngam buppi uktu kumpi na hi in, 539 BC in dek pan hi. i lungkimnak bangin bawl khawng haw hi.
8 Jerusalem a kik sawng haw a kum nihnak ha nihnakin Topa i Biakinn munah nadek pan haw hi. Sheeltiel i capa Zerubbabel, Jozadak i capa Joshua le Jerusalem a kiklehmi hempoh, Israel a unaupihte, thiampi le Levi miten Biakinn sa nadeh cu pan haw hi. Kum sawm nih le a humlam Levi mi pawpoh cu nadeh zotu in koih haw hi.
9 Levi mi Jeshua le a capate, a innkuapihte, Hodaviah hin Kadmiel le a capate cu Biakinn sak nadeh zotu hi khawng haw hi. Amuhte cu Levi mi Henadad hin ten bawm haw hi.
10 Biakinn saknak a bul suangphum a pat haw ten thiampite cu a umnak tek haw pen dingin pengkul cawi tekin, Asaf hin Levi miten daakkop cawi tek haw hi. David Kumpi i thucahmi bangin Topa cu thangphat khawng haw hi.Ref 3:10 1Khang 25:1;
11 Topa thangphatnak la Topa lakah sa in:
“ Topa cu pha hi;
Israel a ihnak cu,
kumkhua in kho hi,”
tihmi saknot cu
sa thuah li haw hi.
Biakinn bul suangphum a pat haw toh hangin Topa cu thangphatin, kuakua hei in, a aw neih tawp tuah au haw hi.Ref 3:11 1Khang 16:34; 2Khang 5:13; 7:3; Saam 100:5; 106:1; 107:1; 118:1; 136:1; Jer 33:11
12 Kum upa deuh thiampite, Levi mite le a hin tek hotu ten a masa Biakinn cu mu zo haw hi. Atu-in, a thakin Biakinn bul suangphum amuh haw ten nasezet kap haw hi. Mahlai a um khenkhatte cu lungdamin au liphet haw hi.
13 A au thawm haw cu nging leita in khawlapi tian a than ten kuamah in kah aw le lungdam aw tih deidan thiam haw ma hi.