1 Hi ngam cu Israel miphun tei ca in sep a hih ten khenkhat cu Topa ca tukin piak hi tuk hi. Peng liat sau le peng luk zal hi in, a ngam buppi haw cu ngam thiangtho hi tuk hi. 2 Mah ngam sungah a tung le a vang a tedunmi mun, Biakinn ca tukin khawih hi tuk a, tong za nga a saumi le a zalmi hi tuk hi; a kimkotin, tong sawm nga zal munlawng um tuk hi. 3 Hi mun i a lang, peng sawm sau le peng liat zalmi mun a lang cu a dangno in koih hi tuk a, Biakinn umnak mun thiangthobel hi tuk hi. 4 Hi ngamsung a, mun thiangtho, Biakinn sung Topa i nadektu thiampi tei ca tukin koihmi hi tuk hi. Thiampi tei inn le Biakinn saknak mun tuk hi. 5 Mah humah a tang laihmi alang cu Levi mite, Biakinn sung a, nadektu tei ca in koih hi tuk hi. Mahlai mun cu Levi mitei umnak khua hi tuk hi.

6 Mah mun thiangtho sangtu peng liat sau le peng nih zalmi ngam cu Israel mi akua nabang i umnak khuapi tukin koih haw tuk hi.

7 Ngamuk bawi tei ca tukin ngam koihsak hi bok tuk hi. Mun thiangtho i nitumnak lam ngamngi pen nitumnak lamah Mediterranean Tuipi tian heng tuk hi. Nisuahnak lamah mun thiangtho i nisuahnak lam ngamngi pen a tawpnak tian hi in, a sau lam cu Israel miphun phun khat tei ngahmi ngam tian tuk hi. 8 Mah mun le ngam cu Israel ngam sungah ngam uk bawi i comi ngam hi bok tuk a, mipi ten imah buaipih ngawltohin ngam khen dangte cu Israel miphun tei comi ngam hi tin upat bok haw tuk hi.

9 Cungnungbel Topa in, “Maw Israel ngam uk bawite, na sualnak uh hi ngei leita zo! Na mi zotsaknak uh le na mi suamnak uhte hi cawl toh un! A dikmi le a manmi bek bawl toh un. Ka mihingte cu a ngam haw pen hawlvawk toh pahsuh un. Cungnungbel Topa keimah in hilh ing.

10 “Akua hei in, a dikmi tehnak le cuaikhainak mang haw hen.Ref 45:10 Thiam 19:36;

11 “An tehnak pa khat cu tui tehnak pa khat tuah bangve hi. cu mipi i manbelmi tehnak hi. A man daan cu a nuailam bangin hi.

pa khat cu sawm le sawm tuah bangve hi.

tuah teh tale: bath cu

Tuu ahi tale Israel ngamsung a, tuu za nih sung pen pa khat hi tuk hi.

“Canghovam biakpiaknak, halkang biakpiaknak le pawlkom biakpiaknak tuk ngante cu hunpih unna, na sualnak uh cu ngaihdam hi tuk uh ci. Cungnungbel Topa keimah in thupia ing.

16 “Israel ngamsung mipi ten hi biakpiaknakte hi Israel ngam uk bawi lakah hunpih haw hen. 17 Ngamuk bawi i dehvo cu Israel miphun venghawng ca in, Ha Thak Puai, Nipi Puai le puai dadang bawl ten halkang biakpiaknak, canghovam biakpiaknak le sabit biakpiaknak tei ca ngante zeisak tuk hi. Israel tei sual thianthohnak tukin sualhah biakpiaknak, canghovam biakpiaknak, halkang biakpiaknak le pawlkom biakpiaknakte bawlsak tuk cu a dehvo haw tuk,” ti hi.

18 Cungnungbel Topa in, “Ha khat ha, ni khat ni-in, sonbang ngawl khuicang pa khat ngo unna, Biakinn thiangtik un hi. 19 Thiampi in hi sualhah biakpiaknak khuicang thi dawmno cu la in, Biakinn kongka khuamte, biaklandawh kil li humah le a sunglam inntual tumnak kongkhah khuamte ah noih tuk hi. 20 Mah ha, ni salih ni-in, mahti bang lengin a bawl kha sual tei ca in hihen, ahimata theih ngawl sual ca in hihen, bawl un hi. Mahti bangin Biakinn cu thiangthotik un hi.

21 “Ha khat ha, ni sawm le ni li ni-in, Kaltan Puai bawl pan unna, ni salih sung cu mi hempohin naman hel ngawl cangho ei un hi.Ref 45:21 Suah 12:1-20; Mipum 28:16-25; 22 Puai bawl ni khatnak ni-in ngam uk bawi in, ama sualnak le mipi tei sualnak ca in khuicang ngo in, pia tuk hi. 23 Puai bawl ni, ni salih sung nisialin, sonbang ngawl khuicang pa khat le tuucang pa khat Topa i lakah a piak ten a pumin halkang biakpiaknakah haal khawng tuk hi. Nisialin keelcang pa khat vang sualhah biakpiaknakin pia hen hi. 24 A ngawh haw mi khuicang pa khat le tuucang pa khat tuah vainim bung khat le olif thau pawng thum ten piak hi tuk hi.

25 “Puanbuk puai cu ha salih ha, ni sawm le ni nga ni pepan tuk a, ni salih sung cu ngam uk bawi in nisialin mahtih bang lengin sualhah biakpiaknak, halkang biakpiaknak le vainim le olif thau pia hen tin,” ti hi.Ref 45:25 Thiam 23:33-36; Mipum 29:12-38;