32
1 Maw van le lei, ka awn hi
thei un hi,
ka hilhmi hi phano in
ngai hem un.
2 Ka thu zilhmi cu van nguah bangin
zuu hen,
Leihumah daita bang hi tuk hi.
Ka awn cu thingkung
dawnno humah nguahsial bangin
cak tuk hi.
Nguah nemno bangin hampa
dawnno tei humah zuu tuk hi.
3 Topa i min cu thangphat tung,
Nohten, a thawmngengnak
4 Topa cu nangmuh nunpantu
a ngilbel hi.
A bawlmi hempoh cu
dikcangin, cangkim hi.
Na Pathian uh cu a dikmi le
muantak hi.
A dikmi le a manmi bek bawl hi.
5 Mahnaven noh cu
numei pha ngawl hinnam,
A mihing tukin a tak ngawlmi
misual le mizol thei
hinnam uh ci.
6 Hitin maw Topa i humah
na nuntuk uh;
Misil le theihtupnak
nei ngawl mihingte!
Amah cu a semsuahtu le
na Pa uh hi,
Minam pa khatin,
a bawltu cu amah hi.
7 Tanglaih cawng a hun,
a bosa hunte ngaisungleh hem un.
Na pa uhte dong unna, hilh tuk hi,
Na pa uhte ngen unna,
phuang haw tuk hi.
8 Cungnungbel i hinnam cu
ngam pia hi.
A umnak haw tukin mun sem hi.
Miphun ca tukin ngamngi bawlsak,
Israel capate, a tam a dawm
zo in sem hi.Ref 32:8 Nung 17:26;
9 Mahnaven Jakob casuante cu
10 Phillawnah vakvai in,
a vahlih haw mu hi.
Ngamkhing, huih kongka phillawnah,
Ama mitcang a cinkhawi bangin,
hupin cingkhawi hi.
11 Muvanlai in, a bu hingin,
a cano humah lengin;
a cano cu leen zilhin,
himdamno in, a ha humah
a cawi bangin,
Topa in Israel mite cu,
himdamno in cawi hi.
12 Topa bekin a mihingte cu
ngamdang tei pathian
13 Leihum munsangte cu uktikin,
lo sungsuak mite cu
ei haw hi.
Suang ngengpi lak pen
khuaihum mu haw a,
suangtep lakah olif kung pha
sathau tuah vak hi.
14 A khui le a keel tei
nawitui cu tam hi.
Tuu, keel le khui phabel nei haw hi.
Sangvut hempoh pen
sangvut phabel ei haw in,
Sabit hempoh pen
15 Topa i mihing Jeshurunnote 32:15 Jeshurun tihmi hi Thuman tihnak hi. A sonnuambelmi cu Israel mite haw hi. cu
hau zetin pualthau haw hi.
An kham zetin thau haw hi.
Amuh semsuahtu
a Pathian haw cu nunghek haw a,
amuh nunpantu ngilbel cu
deih ngawlin lawl haw hi.
16 Milim a biak haw mi cu
Topa in cing hi,
Thil nawngkai a bawl haw hangin
a thinuk hi.
17 A biakpiaknak haw cu
Pathian nelah hi ngawlin
pathian dang lakah pia haw hi.
A pupa tei a kihcak
awng ngawl haw mi,
Tu naino in, a hengmi
pathian dang zuk lakah
pia haw hi.Ref 32:17 1Kor 10:20;
18 Nangmuh Semsuahtu Bulpi cu
hahzau uh ci.
Nangmuh nunpantu
ngilbel Pathian cu
19 Mahmi cu Topa in mu in,
ama canu le capa ten
a lawl haw hangin a thinuk hi
20 “Amuhte bawmleh tukma toh ing,
i suak haw tuk hum tih
zo hih tung.”
Hi mizol thei casuan le
mi muantak ngawlte!
21 A milimte hangin ka thinuktik haw hi.
A milimte hangin cing ing.
Mah hangin son tham ngawl
misil hinnam mangin
a thin haw uktik tung.
Misil hinnamte hangin
iksiknak neitik tung hi.Ref 32:21 1Kor 10:22; Rom 10:19;
22 Ka thinuknak cu
mei bangin alhtik tung a,
leihum le leinuai a, ummi hempoh
kang khawng tuk hi.
Lei le ankung kang tuk,
mual tei a bulpatnak haw cu
23 A hum hawah catngawlin,
bawngsiatnak hengtik tung,
Amuh donakin ka thalcang mang tung hi.
24 Ngilkialnak le nattunin
thi haw tuk hi.
Mullinghah natsia tuah
thi haw tuk hi.
Amuh mantu tukin sahang
hah tung.
Micik thei ngu nei hangsan ngul
vang amu lakah
vaktik tung hi.
25 Ngaldonak hangin lamtuanah
thi haw tuk hi.
Thinsu linglawngin innsung hei ah
thi haw tuk hi.
Tangval le khanglai vang
thi haw tuk hi.
Nauno le putek vang luat haw
tukma hi.
26 Keimah in lengkektik
khawng tung tin ngaisung ing.
Kuamah in, a cungcang haw
theileh haw tukma toh hi.
27 Mahnaven a ngal haw ten,
keimuh ten neh khawng ung hi.
Pathian cahnak imah umma hi tin,
Tuangkhawng pahsuh hen, ti hi.
28 Israel cu theihtupnak nei ngawl
hinnam haw hi.
Cihnak nei haw ma hi.
29 Ita ngal sung ung kaw,
tih mu thei haw ma hi.
Ita hi bangin cangta ung kaw
tihvang mu thiam haw ma.
30 Ita mi pa khatin thawng khat nehin,
Mi pa nih bekin
thawng sawm a neh theih haw?
Topa a Pathian haw in
zamsanin,
A Pathian ngilzet haw in,
a nunghek hangin hi.
31 Thu ngangai ti ahin, a
pathian dang ten,
Israel i Pathian kim viangma hi,
tih a ngal uhten thei haw hi.
32 A ngal haw ten
Sodom le Gomorrah bangin
a sehuaidan haw cu a kha mi le
thihnak ngu in,
a ngahtu sabit kung bang haw hi.
33 A sabittui haw cu ngul tei ngu
bang hi, a lauhuai ngul tei
ngu bangin!
34 Topa in,
a ngal tei bawlmi cu thei hi.
Amuh bawlsia tukin
khawihcangin ngak hi.
35 Topa in phuba la in
thuk kiknak cu Amata hi.
Lumin, a cak hun haw nai zo,
a siatnak ni cu hengpal tuk toh hi.Ref 32:35 Rom 12:19; Heb 10:30;
36 Itahim titale a ngilnak haw bo tih
a theih ten, a ngilnak haw bo in,Ref 32:36 Saam 135:14;
miluat le sila tih hei um ngawltohin
Topa in ama mihingte cu
pan tuk hi.
Ama nadektu cu hehpih tuk hi,
37 Topa in, a mihingte cu
dong tuk hi.
Ilai ah kaw na muanzet uhmi,
pathian dang ngilzet a um haw?
38 Na biakpiaknak uh thau a eitu le,
na sabittui ukzet a intute cu?
Atu hungin bawm haw hen,
nangmuh pan tukin tai haw hen.
39 Keimah bek, Keimah bebek hi
Pathian hi ing hi,
Pathian tatak cu hi ing.
Adang kuamah um haw ma hi.
That ing a, nungtikleh ing,
liamsuah ing a, dam lehtik ing,
Ka khut sung pen a doktul theitu
kuamah um haw ma.
40 Kei cu a nungmi Pathian ing hi,
Van lamah ka baanzakin,
Ka nunnak min salin thutiam ing.
41 Ka ngalnam de cu tat hiam tung,
thuman tuah thuson tung.
Ka ngal tei humah phu la tung a,
Kei a huatu cu bawlsia tung.
42 Ka thalcangte cu a thisan haw tuah
diat tung a, ka ngalnam tuah
kei a ngaltu sat tung.
Kei a dotu hotu samsau,
Kuamah khawih tuk mang,
A liam mite le thawngta vang
43 Maw leihum mite,
Topa i mihingte tuah
na lung uh dam un,
A mihing a thattu cu
bawlsia tuk, a ngal tei humah
phuba la tuk hi.
A mihing tei ngamsung a,
mawhnak cu somciang
khawng tuk hi.Ref 32:43 Rom 15:10; Mang 19:2;
44 Moses le Nun capa Joshua ten hi la cu Israel mi pi tei theih cilcelin au haw hen hi.
Nungdawlbel Moses Thucah
45 Moses in Pathian thutiamte cu Israel tei lakah a hilh ceng ten,
46 “Tuni ka piakmi thukham zui tukin ngalling zetin um un. Na cano tei zui tukin zilh un.
47 Hi zilhnakte hi nangmu ca in, zilhnuammi nei ngawl hi ma hi, na nunnak uh hi. Zui unna, na luahtum tuk uhmi Jordan Ngun ngal ngamah ngeipi um tuk uh ci,” ti hi.
48 Mah ni lelengin, Topa in Moses lakah,Ref 32:48-52 Mipum 27:12-14; Daan 3:23-27;
49 “Jerikho khuapi pen nisuahnak lam, Moab ngamsung, Abarim Mualtuanah hawh inna, Nebo mualhumah kai in hi; mahlai pen Israel mite ka piak tukmi Kanaan ngam cu cuanin hi.
50 Na u Aaron cu Hor Mualah thi zo hi; nang vang Nebo Mualah thi tuk ci,
51 itahim titale Israel tei muh cilcelin, na pa nih uhin, keimah muang ngawlin nung uh ci. Zin ngamkhing, Kadesh khua el, tui umnak Meribah a, na um uh laih khin Israel tei muh cilcelin upatnak pia ngawlin ka minsiatik uh ci.
52 Kanaan ngam cu a lang theihnak mun pen cuan tuk navecin Israel mite ka piak tukmi Kanaan ngamah tum tukma ci,” ti hi.